ANG AASAHAN PAGKATAPOS MAG-APPLY SA FEMA
[https://www.fema.gov/tl/fact-sheet/what-expect-after-applying-fema] 

Release Date: 
Dec 5, 2023 

Isaisip ang mahahalagang hakbang habang nagna-navigate ka sa iyong
proseso ng tulong ng FEMA: 

	* HUWAG MAGHINTAY UPANG SIMULAN ANG PAGLILINIS. Kunan ng litrato ang
anumang pagkasira, gumawa ng listahan ng iyong pagkawala at itago ang
lahat ng resibo upang beripikahin ang mga gastos na naidulot ng
sakuna.
	* MAG-FILE NG ISANG CLAIM SA SEGURO. Ang mga aplikante na may seguro
para sa mga sira sa kanilang bahay na dulot ng sakuna ay dapat
magpakita ng kasunduan sa seguro o dokumento ng benepisyo sa FEMA bago
maikonsidera para sa tulong pederal.   
	* MAG-APPLY SA FEMA. Ang mga may-ari ng bahay at umuupa sa Cook
County na walang seguro o may kakulangan sa seguro sa pagkasira na
naidulot ng sakuna noong Setyembre 17-18, 2023 ay hinihikayat na
mag-apply para sa tulong sa sakuna ng FEMA. Mag-online
sa DisasterAssistance.gov [http://www.disasterassistance.gov/],
gamitin ang mobile app ng FEMA
[https://www.fema.gov/about/news-multimedia/mobile-app-text-messages]
o tumawag sa 800-621-3362. Kung gumagamit ka ng serbisyo ng relay
tulad ng serbisyo ng relay sa bidyo, serbisyo ng naka-caption na
telepono o iba pa, ibigay mo sa FEMA ang iyong numero para sa
serbisyong iyon. TANDAAN: Kung nag-apply ka para sa tulong ng FEMA
pagkatapos ng sakuna noong tag-init at ang iyong bahay ay naapektuhan
ng bagyo at pagbaha noong Setyembre, kailangan mong mag-apply ulit sa
FEMA upang maikonsidera para sa karagdagang tulong.
	* ISKEDYUL ANG IYONG INSPEKSYON SA BAHAY. Kadalasan, pagkatapos mong
mag-apply, tatawagan kayo ng isang inspektor ng FEMA upang
mag-iskedyul ng isang appointment. Siguraduhin mong sagutin ang
telepono. Ang numero ng inspektor ay maaaring mula sa labas ng estado
o makita sa caller ID na “unavailable.” 
	* MAG-IPON NG IMPORMASYON PARA SA INSPEKSYON. Maging handa na ipakita
sa inspektor ang iyong pagkakakilanlan na may litrato; patunay ng
pagmamay-ari o pagsaklaw
[https://www.fema.gov/assistance/individual/after-applying/verifying-home-ownership-occupancy];
isang listahan ng mga nakatira sa bahay sa panahon ng sakuna; lahat ng
sira sa pag-aari na naidulot ng sakuna; at ang iyong patakaran sa
seguro. Kung mayroon kang mga litrato ng pagkasira sa sakuna o resibo
ng pagpapa-ayos, mangyaring ihanda rin ang mga iyon para ipakita.   
	* MAKIPAGKITA SA INSPEKTOR. Kasama sa inspeksyon ang pagtingin sa
mga lugar na nasira ng sakuna sa iyong bahay at pagsusuri sa iyong mga
talaan. Ang mga inspektor ng FEMA ay nagdadala ng isang opisyal na ID
na may litrato at hinding-hindi na manghihingi ng impormasyon sa
bangko. Hinding-hindi rin sila hihingi ng pera at mangangailangan ng
kabayaran sa kahit anong paraan.

Pagkatapos dumating, hihiling ang inspektor na beripikahin ang
pangalan ng aplikante pati na rin ang impormasyon sa
pakikipag-ugnayan, pagsaklaw, katayuan ng pagmamay-ari at saklaw ng
seguro. Ang mga makatwirang akomodasyon, kabilang ang mga pagsasalin
at interpretasyon sa ASL (Wikang Pasensyas ng Amerika), ay magagamit
upang siguraduhin ang epektibong komunikasyon sa mga nakaligtas. 

	* FILL-UPAN AG ISUMITE ANG IYONG APLIKASYON SA PAUTANG SA U.S. SMALL
BUSINESS ADMINISTRATION (SBA O ADMINISTRAYON NG MALILIIT NA
NEGOSYO). Pagkatapos magrehistro para sa tulong sa sakuna, maaaring
mai-refer ang mga aplikante sa SBA. Walang obligasyon na tumanggap ng
isang pautang, ngunit maaari mong makaligtaan ang pinakamalaking
mapagkukunan ng pederal na pondo ng pagbawi sa sakuna kung hindi ka
mag-apply. Kung hindi ka maging kwalipikado para sa isang pautang sa
sakuna ng SBA, maaari kang mai-refer pabalik sa FEMA para sa iba pang
uri ng tulong sa grant.
	* PAGKATAPOS NG INSPEKSYON. Tatanggap ka ng sulat na nagpapaliwanag
ng desisyon ng FEMA sa pagiging karapat-dapat sa loob ng 10 araw
pagkatapos ng pagbisita ng inspektor. Siguraduhin na basahin ito nang
maigi; maaari nitong ipaliwanag ang mga kinakailangang karagdagang
hakbang upang ipagpatuloy ang proseso. Kung ikaw ay natukoy na
kwalipikado para sa tulong, maaari kang makatanggap ng isang tseke
mula sa U.S. Treasury (Kaban ng Estados Unidos) o direktang deposito
base sa anuman na iyong pinili noong panahon ng iyong aplikasyon.

Upang matuto pa tungkol sa proseso ng inspeksyon, bumisita sa aming
website
sa www.fema.gov/assistance/individual/after-applying/home-inspections
[http://www.fema.gov/assistance/individual/after-applying/home-inspections] .
Ang huling araw para mag-apply para sa tulong ng  FEMA ay Enero 19,
2024. Para sa iba pang karagdagang impormasyon tungkol sa operasyon ng
pagbawi sa sakuna sa Illinois, bumisita sa www.fema.gov/disaster/4749
[http://www.fema.gov/disaster/4749].

###

_Ang tulong sa pagkabawi mula sa sakuna ay magagamit nang walang
pagsasaalang-alang sa lahi, kulay, relihiyon, nasyonalidad, kasarian,
edad, kapansanan, kasanayan sa Ingles, o pang-ekonomiyang katayuan.
Ang makatwirang akomodasyon, kabilang ang pagsasalin ng wika at
tagapagsalin ng American Sign Language (wikang pasenyas ng Amerika)
gamit ang Serbisyong Relay ng Bidyo ay magagamit upang masigurado ang
epektibong komunikasyon sa mga aplikanteng may limitasyon sa kasanayan
sa Ingles, kapansanan, daanan at functional na pangangailangan. Kung
ikaw o ang isang kakilala mo ay may diskriminasyon, tumawag sa FEMA
nang libreng-toll sa 800-621-3362 (kabilang ang 711 o Relay ng
Bidyo)._