HULING ARAW PINALAWIG HANGGANG IKA-20 NG OKTUBRE PARA SA MGA
APLIKASYON SA GAWAD NG IMPRASTRAKTURA NG FEMA
[https://www.fema.gov/tl/press-release/20231013/deadline-extended-october-20-fema-infrastructure-grant-applications]


Release Date: 
October 13, 2023 

CHICAGO -- Ang huling araw para magsumite ng mga kahilingan para sa
pederal na tulong sa pagpapalit o pagpapagawa ng imprastraktura ay
inilipat sa IKA-20 NG OKTUBRE, 2023. Ang huling araw ay umeepkto sa 19
na county na nagtamo ng pagkasira sa imprastraktura sa panahon ng
bagyo at pagbaha noong Hunyo 29 hanggang 2. Ang mga interesadong
aplikante sa mga kwalipikadong county ay inaanyayahan na kumpletuhin
ang FEMA Form 009-0-49, Request For Public Assistance
[https://www.fema.gov/media-library-data/1505397829631-758807d2f22ea320a71a74ade429675d/FEMA_Form_009-0-49_RPA_508_FINAL.pdf]
(PA o Kahilingan para sa Tulong Pampubliko) at ibalik ito
sa EMA.PA.Grants@Illinois.Gov.

Ang mga county na kwalipikado para mag-apply para sa pondo ng PA ay
ang mga county ng Christian, Clark, Coles, Cumberland, DeWitt,
Douglas, Edgar, Hancock, Macon, McDonough, Monroe, Morgan, Moultrie,
Pike, Sangamon, Scott, Vermillion, Warren at Washington.

Ang pondo para sa pagpapagawa o pagpapalit ng imprastraktura ay
nanggagaling sa programa na Public Assistance (PA o Tulong Pampubliko)
ng FEMA. Ang PA ay ang pinakamalaking programa ng gawad ng FEMA na may
pondo para tulungan ang mga teritoryo, tribu, panlokal at
pang-estadong pamahalaan, at kwalipikadong private non-profit (PNP o
pribadong organisasyon na hindi kumikita), kasama ang mga bahay ng
sambahan, sa pagbawi mula sa pagkasira sa imprastraktura na dulot ng
mga emerhensya o malaking sakuna na idineklara ng Pangulo. Para maging
karapat-dapat, ang PNP ay dapat magpatakbo ng pasilidad na bukas sa
publiko na nagbibigay ng kritikal na serbisyo – pang-edukasyon,
utility o kagamitan, pang-emerhensya o medikal – o isang mahalagang
serbisyong pampamahalaan. Itong programa ng PA ay hindi nagbibigay ng
tulong sa mga indibidwal na sambahayan o pribadong negosyo.

Ang mga pagtatagubilin sa aplikante na ginaganap para magbigay ng
kaalaman sa mga aplikante (pang-estado, panlokal, pang-tribu,
pangteritoryong pamahalaan, at ilang kwalipikadong private nonprofit
organization (PNP o pribadong organisyon na hindi kumikita) ng
maaaring gamitin na tulong PA at kung paano mag-apply, ay ginaganap sa
virtual na pagpupulong gamit ang WebEx. 

Ang mga bahay ng sambahan ay maaaring makakuha ng karagdagang
impormasyon sa Ang Polyeto ng mga Kailangang Malaman ng mga Bahay ng
Sambahan Tungkol sa Proseso ng Tulong sa Sakuna ng FEMA | FEMA.gov
[https://www.fema.gov/node/what-houses-worship-need-know-about-fema-disaster-aid-process-flyer]

Ang polyeto ay mababasa sa Ingles, Espanol, Tsino, Vietnamese,
Tagalog, Pranses, Aleman, Haitian Creole, Koreano, at Portuguese.