FEMA INAPRUBAHAN ANG $14 NA MILYON PARA SA MGA PAARALAN, SHERIFF NG
LEE COUNTY
[https://www.fema.gov/tl/press-release/20230323/fema-approves-14-million-lee-county-schools-sheriff]


Release Date: 
March 23, 2023 

LAKE MARY, FLA. – Inaprubahan ng FEMA Public Assistance ang dalawang
gawad upang ibalik sa Lee County School District at Lee County Sheriff
ang mga ginastos sa emerhensya sa pagresponde sa Bagyong Ian.

Inaprubahan para sa distrito ng paaralan ang gawad na $10,069,446.
Pagkatapos ng bagyo noong Setyembre 28, 2022, nagsagawa ang distrito
ng paaralan ng mga pang-emerhensyang pagpapaayos, remedyasyon sa amag,
pag-alis ng debris, pag-alis ng tubig, mga inspeksyong pangkaligtasan
at paglalagay ng mga pansamantalang generator.

Inaprubahan ang Lee County Sheriff para sa gawad na $4,180.612 upang
ibalik ang mga ginastos para sa seguridad ng mga tao, access at
pagkontrol sa trapiko, mga barikada, paghahanap at pagligtas,
pag-aayos ng bubong, medikal na pangangalaga, pag-alis ng debris,
pamamahagi ng mga supply, pag-iilaw, mga sakong naglalaman ng
buhangin, mga trapal, mga generator, fuel at iba pang mga
pinagkagastusan.

Inutos ng FEMA Public Assistance ang $32.8 na milyon (bahagi ng
pederal na pamahalaan) para sa Lee County at ang kabuuang $106 na
milyon para sa lahat ng aplikante sa loob ng Lee County.

Nagbibigay ng gawad ang programa ng FEMA Public Assistance sa mga
pamahalaan ng estado, tribo at lokal, at ilang pribadong organisasyong
nonprofit, kabilang ang mga bahay-sambahan, nang sa gayon ay agad na
makakaresponde at makakabangon ang mga komunidad mula sa malalaking
sakuna o emerhensya.

Makikipagtulungan ang mga aplikante sa FEMA upang bumuo ng mga
proyekto at mga saklaw ng gawain. Inoobliga ng FEMA ang pagpopondo
para sa mga proyekto sa Florida Division of Emergency Management
(FDEM) pagkatapos ng pinal na pag-apruba. Sa oras na maiutos ang
proyekto, malapit na makikipagtulungan ang FDEM sa mga aplikante upang
makumpleto ang proseso ng gawad ang masimulan ang mga pagbabayad. May
mga itinakdang pamamaraan ang FDEM na idinisenyo upang matiyak na
ibinibigay ang pagpopondo para sa gawad sa mga lokal na komunidad nang
mabilis hangga't maaari.

Para sa pinakabagong impormasyon tungkol sa pagbangon ng Florida mula
sa Bagyong Ian, bisitahin ang floridadisaster.org/info
[https://www.floridadisaster.org/info] at fema.gov/disaster/4673
[https://www.fema.gov/disaster/4673]. Sundan sa FEMA Rehiyon 4
(@femaregion4) / Twitter [https://www.twitter.com/femaregion4] at sa
facebook.com/fema [http://www.facebook.com/fema].