FEMA WAXEY SIISAA CAAWIN KALA-DUWAN KA-BADBAADAYAASHA DUUFAANTA OHIO
[https://www.fema.gov/so/press-release/20240509/fema-offers-variety-help-ohio-tornado-survivors]


Release Date: 
May 9, 2024 

COLUMBUS - FEMA waxey siisaa caawin kala-duwan ee ballaaran dadka ay
saameysey duufaanadii 14 Maarso. Milkiiliyaasha iyo kireystayaasha
jooga gobolada Auglaize, Crawford, Darke, Delaware, Hancock, Licking,
Logan, Mercer, Miami, Richland iyo Union ayaa lagu dhiirigeliyaa iney
codsadaan.

FEMA waxey lacag caawin ah siisaa codsadayaasha u qalma ee leh baahiyo
daran, lacag ka bixinta meel ay ku meel gaar ugu noolaadaan,
dayactirada guriga iyo baahiyaha kale aaney daboolin caymis.

Lacagta ay FEMA bixiso ma ahan in dib loo bixiyo waxaana ka mid noqon
kara:

	* Baahiyaha Daran: Lacag nolosha lagu badbaadiyo iyo agabyo nolosha
lagu xajiyo, ay ku jiraan biyo, cunto, gargaar kowaad, rukumashooyin,
cunada dhallaanka, saheyda naas-nuujin, xafaayado, sahayda la
isticmaalo ee caafimaad, agab caafimaad ee waara, agabyo nadaafad
shakhsiyeed iyo shidaal loogu talagalay safar.
	* Barakac: Lacag kaa caawisa baahiyo guriyeyn haddii aadan ku noqon
karin gurigaaga sabab la xiriirta musiibada. Lacagta waxaa loo
isticmaali karaa in lagu joogo huteel, lagula joogo qoys iyo asxaab
ama ikhtiyaarada kale intaad raadineysid guri la kireysto.
	* Barakac: Lacag kaa caawisa baahiyo guriyeyn haddii aadan ku noqon
karin gurigaaga sabab la xiriirta musiibada. Lacagta waxaa loo
isticmaali karaa in lagu joogo huteel, lagula joogo qoys iyo asxaab
ama ikhtiyaarada kale intaad raadineysid guri la kireysto.
	* Gargaar Kiro: Lacag aad u adeegsato inaad ku kireysatid guriyeyn
haddii lagaa barakiciyey gurigaaga sabab la xiriirta musiibada.
	* Hanti Shakhsiyeed: Lacag kaa caawisa inaad dayactirtid ama bedeshid
agabyo, alaabta guriga, iyo kombiyuutar shakhsiyeed ama qoys oo ay
waxyeeleysey musiibada. Waxaa tani sidookale ku jiri kara lacag loogu
talagalay buugaag, yuunifoom, agabyo, kombiyuutaro dheeri ah iyo
sheeyo kale ee loogu baahanyahay iskuulka ama shaqo, ay ku jirto
is-shaqaaleysiin.
	* Daryeel Caruur: Lacag kaa caawisa inaad ku bixisid kharashaadyo
daryeel caruur oo sii kordha oo ay sababtey musiibada.
	* Gaadiidka: Lacag kaa caawisa inaad dayactirtid ama bedeshid gaari
ay musiibo waxyeeleysey markaadan
haysan gaari kale ee aad isticmaali karto.
	* Kharashaad Guuris iyo Keydin: Lacag kaa caawisa inaad guurisid ama
kaydisid hanti shakhsiyeed ee gurigaaga laga guuriyo si looga hortago
waxyeelo dheeri ah.

CODSO FEMA

Haddii aad leedahay caymis, waa inaad dood la furataa sida ugu
dhakhsaha badan. FEMA ma laba jibaari karto faa'iidooyinka ama
qasaaraha ay daboosho caymis. Haddii caymiskaagu uunan daboolin
kharashaadyadaada oo dhan, waxaad u qalmi karaysaa gargaarka
federaalka.

Si aad u codsato gargaarka musiibo ee FEMA, waxaad tagi kartaa
onleenka DisasterAssistance.gov
[https://www.fema.gov/DisasterAssistance.gov], lasoo dag apka
moobeelka FEMA
[https://www.fema.gov/about/news-multimedia/mobile-products] aaladaha
taleefonka, ama ka wac leenka-caawinta bilaashka ah ee 800-621-3362.
Haddii aad isticmaashid adeega isku-duwida sida adeeg isku-duwid
muuqaal (VRS), adeeg taleefon ee qoraal leh ama waxkale, usii FEMA
taleefonkaaga adeegaas.

Xog dheeraad ah ee ku saabsan hawsha kasoo-kabasho musiibo ee Ohio,
booqo www.fema.gov/disaster/4777
[https://www.fema.gov/www.fema.gov/disaster/4777]. Taariikhda kama
dambeysta in lagu codsado gargaar FEMA waa Luulyo 2, 2024.