ASIASIGA O FALE O SE LA’ASAGA TĀUA MO FESOASOANI A LE FEMA
[https://www.fema.gov/sm/press-release/20240324/home-inspections-are-important-step-fema-assistance]


Release Date: 
March 23, 2024 

San Diego, Kalefonia. — O le asiasiga o fale o se la’asaga tāua
tele i le fa’agasaloga o talosaga i le FEMA. O le lē
mafai ona feiloa’i ma tagata asiasi fale o le a taofia ai lau
talosaga mai le fa’agasolo i luma. O tagata asiasi fale e
mafai ona latou fa’amaonia lē ona le fale ma fa’ailoa mai ni
meatotino i totonu o le fale e te ono agava’a ai mo le
fesoasoani. Afai ua uma ona fa’amamā le fale po ua amata ona lipea
e tagata na sao mai o latou fale, e mafai ona
fa’aali ane ni fa’amaumauga i ni pepa po’o ni ata i le ‘au
asiasi fale e fa’amaonia ai mea na fa’aleagaina mai afā
malolosi ma lolōga o Ianuari 21-23, 2024.

A uma ona fai lau talosaga mo se fesoasoani mai le FEMA, e ono
vala’au atu le FEMA i ē na sao mai e fa’atulaga se taimi e asiasi
ai mea ua fa’aleagaina i o latou fale. E ono sau le vala’au mai se
numera telefoni e te lē iloa pe fa’atapula’aina – e tāua le
tali e tagata sao mai le vala’au lena ina ia fa’agasolo i luma a
latou talosaga.

TAGATA ASIASI FALE A LE FEMA

E fe’avea’i e tagata asiasi fale a le FEMA pepa fa’ailoa
aloa’ia a le FEMA e iai o latou ata. Afai e lē va’ai atu i se
pepa fa’ailoa e iai se ata, e mafai ona fesili le tagata sao mai i
le tagata asiasi e fa’aali ane.

Ua uma ona iai i tagata asiasi a le FEMA le numera resitala a le
tagata sao mai, e iva fuainumera ma e lē fesili atu lava latou mo se
tupe.

‘Aua le avea ni fa’amatalaga tau faletupe i se tagata e fa’apea
o ia se asiasi fale a le FEMA. E lē fa’atagaina tagata asiasi a le
FEMA e ao mai ni fa’amatalaga tau tupe pe fesili mo se numera o lou
Saogalemu Feāloa’i.

Afai e alu atu se tagata asiasi a le FEMA i se fale o se tagata sao
mai ae le’i faia e lē ona le fale sana talosaga i le FEMA, atonu ua
fa’aaogā fa’amatalaga patino o le tagata sao mai e fai ai se
talosaga e aunoa ma lona iloa. Afai o lea, e tatau ona ta’u e le
tagata sao mai i le tagata asiasi e le’i faia sana talosaga e mafai
ai e le tagata asiasi ona fa’aulu se ‘aioiga e taofia le
fa’aauau o le talosaga lena mo se fesoasoani.

Afai e masalosalo le tagata sao mai ua gaoia ona fa’amatalaga
patino, fa’aulu se ripoti i le IdentityTheft.gov
[https://www.identitytheft.gov/#/].

Afai e iai ni fesili a tagata sao mai po’o ni tagata moni ia o suia
le FEMA, vala’au le Laina Fesoasoani a le FEMA i le 800-621-3362 mai
le 7 i le taeao e o’o i le 10 i le po, Taimi Pasefika, Aso Gafua –
Aso Sa. Afai e te fa’aaogāina ni tautua avefeau pei o se tautua
vitiō (VRS), telefoni e iai upu po’o nisi, ave lau numera o le
tautua lena i le FEMA pe a e vala’au i ai.

E avanoa fa’aliliuupu mo gagana ma le Gagana Fai Saini mo tagata sao
mai pe a talosaga i ai, ina ia fa’amautinoa le malamalama lelei o
feso’ota’iga i ē na sao mai e lē o le Igilisi la latou gagana
muamua, ma tagata sao mai e Tutuli ma/pe Lē Lelei le Fa’alogo.

Ina ia matamata i se vitiō mauaina e uiga i asiasigā fale a le FEMA,
asiasi le FEMA Accessible: Home Inspections - YouTube.
[https://www.youtube.com/watch?v=kXMaDkY3Q2o]

Talosaga mo Fesoasoani a le FEMA mo Fa’alavelave Fa’anatura

E mafai ona talosaga tagata sao mai i luga o le Initaneti i le
DisasterAssistance.gov [http://www.disasterassistance.gov/],
fa’aaogā le FEMA mobile app
[https://www.fema.gov/about/news-multimedia/mobile-products] po’o le
vala’au i le 800-621-3a362, mai le 7 i le taeao e o’o i le 10 i le
po, Taimi Pasefika. E avanoa tagata talitelefoni mo gagana eseese pe a
resitala mo se fesoasoani i le telefoni. Afai e te fa’aaogāina se
tautua avefeau, pei o se tautua vitiō, pei o le (VRS), telefoni e iai
upu po’o se isi tautua, ave lau numera o le tautua lena i le FEMA.

Mo fa’amatalaga aupito lata mai a le FEMA i afā malolosi ma lolōga
i le itumālo o San Diego iā Ianuari 21-23, 2024, asiasi le
www.fema.gov/disaster/4758 [http://www.fema.gov/disaster/4758].

_###_

_O le misiona a le FEMA o le fesoasoani i tagata ae le’i tupu, a’o
feagai ai, ma le uma o se fa’alavelave fa’anatura._

_O fesoasoani uma fa’anatura a le FEMA e tu’uina atu e aunoa ma se
fa’ailoga atunu’u, lanu, itupā (e aofia ai ma le sauāina tau
feusua’iga), filifiliga fa’aitupā, tapua’iga, tupuaga, tausaga,
lē atoatoa le malosi, lē lava le gagana Igilisi, po’o le
tamāoaiga._

_Afai e te manatu ua solia ou āiā tatau, e mafai ona e vala’au i
le Laina o Punā’oa o Aiā Tatau i le 833-285-7448 (TTY
800-462-7585). O i latou e fa’aaogāina tautua avefeau pei o se
telefonivitiō, InnoCaption po’o le Cap Tel e tatau ona logo le FEMA
fa’atasi ma le latou numera o lo’o fa’aaogā mo lena tautua. O
lo’o avanoa talitelefoni mo gagana eseese (o’omi le 2 mo le gagana
Sipaniolo)._