KAJJITŌK KO REKUT: MELELE KO KIŌ IKIJEN KOLLA IN WONNEN REEN JEN
BUROKRAAM EO EJ JIBAÑ KŌN IMŌN JOKWE ILO KŌTAAN IEN
[https://www.fema.gov/mh/fact-sheet/faq-direct-housing-rental-payment-update]


Release Date: 
Apr 11, 2025 

Release Number: 
FS-054 

Ñe kwe juon eo ear ioone jorrāān in kijeek ko ilo Maui ilo kar
2023, im kwōj bōk kwōnaam ilo Burokraam in Jibañ kōn Imōn Jokwe
ilo Kōtaan Ien an FEMA, melele eo laajrak emaron jibañ kwe kōn
madmōdin kolla wonnen reen eo. Aoleb armej ro rej bōk kwōnaer ilo
burokraam in jibañ kōn Imōn Jokwe ilo Kōtaan Ien rej aikuj kolla
wonnen reen. Likjab in kōjejjet ien am kolla reen emaron jemlok ilo
an bōjrak wonnen reen eo am emōj kadiklok, im bareinwōt kabōjrak
am koba ilo burokraam eo ej jibañ kōn imōn jokwe ilo kōtaan ien im
jen mweo kwōj jokwe e kiō.

KAJJITŌK&UWAAK: KELET & KŌMELELE KO ÑAN KOLLA WONNEN REEN

K.ÑAAT EO ARMEJ RO REJ BŌK KWŌNAER ILO BUROKRAAM IN JIBAÑ KŌN
IMŌN JOKWE ILO KŌTAAN IEN AIKUJ JINO KOLLA WONNEN REEN? 

U. Jen MAAJ 1, 2025, aoleb borwaj ko rej koba ilo burokraam eo ej
jibañ kōn imōn jokwe ilo kōtaan ien rej aikuj jino kolla wonnen
reen aoleb allōñ ñan FEMA. 

K. EWI WĀWEEN AN ARMEJ RO REJ BŌK KWŌNAER ILO BUROKRAAM IN NAJ LOE
PEBA IN KAMOOL WONNEN REEN EO AER? 

U.  Borwaj ko renaj loe peba in kamool wonnen reen ko aer ilo atorej
in mael ko aer kiō, im armej eo ilo ablikajon eo emaron bōke peba in
kamool wonnen reen ko aer ilo aer deloñe akkoun eo aer ibben FEMA
onlain im lale melele ko iomwin melele ko an kiō. Elañe ejellok an
armej eo an ablikajon akkoun onlain, remaron lale juon ak ian jikin ko
ruo imaan rej bed ilo Office of Recovery Lahaina Gateway Center ak
Kakoo Maui iloan Maui Mall im juon rijerbal an FEMA enaj jibañ er. 

K. EWI WĀWEEN AN ARMEJ RO ILO BUROKRAAM IN JILKINLOK KOLLA IN WONNEN
REEN EO AER? 

	* Talebon:          

	* Kall e 866-804-2469 MANDE ÑAN BOLAIDE jen 9 AWA JIBBON ÑAN 4 AWA
RAELAP EST (EST ILO IEN IN EJ JILIJINO AWA IMAAN IN AWA EO ILO
HAWAIʻI.)
	* Wāween ko remaron ebōk kolla ilo talebon:
	* Akkoun ilo Paan (ACH)
	* Debit ak credit kaat

	* Jek ak Money Order ej Kolla lok ñan FEMA:            

	* U.S. Mail: FEMA, PO Box 6200-16, Portland, OR 97228-6200

_AK _

	*
Kolla ñan Boklok iloan Juon Boñ/Jikin ko rej Boklok Mael:   

U.S. BANK-Government Lockbox, ATTN: DHS-FEMA-6200-16,

17650 NE Sandy Blvd, Portland, OR 97230

	*
Karoollok Jek ko an U.S. Department of the Treasury Checks ilo U.S.
Mail:

	* U.S. Department of the Treasury, ATTN: Treasury Check Return, 

PO Box 51318, Philadelphia, PA  19115

	* Kolla jen Kein Jerbal Kapeel in Raan Kein: 

	* Onlain ilo WWW.PAY.GOV [https://www.pay.gov/public/home]
	* Wāween ko rej ebōk kolla onlain:
	* Akkoun in paan (ACH)
	* Akkoun in PayPal
	* Akkoun in Venmo 
	* Debit ak credit kaat

K.  EWI WĀWEEN AN ARMEJ RO REJ BŌK KWŌNAER ILO BUROKRAAM IN
KŌMMAN KOLLA ILO KEIN JERBAL KAPEEL IN RAAN KEIN, ÑE EJAB ILO
E-PAYMENT?

	* Etal ñan www.pay.gov [https://www.pay.gov/public/home]
	* Taipi “FEMA” iloan bok in kabōk melele eo (_bok mouj eo ebed
itulōn im anmoon in peij eo_)

	* Jen Jemlok ko jen Kabōk Melele, bukōt FEMA Finance Center (Jikin
Kolla eo an FEMA) – Payment Form (Peba in Kolla)

	* Jibed [Continue (Woñmaanlok)]
	* Jibed [Continue to the Form (Woñmaanlok ñan Peba eo)]

	* Kanne Peba eo an Opij eo

	* Kōjella im Leta kõn Muri (Notice and Debt Letter, NDL) # ebed ilo
leta eo am iomwin atorej. Nomba in enaj jañij aoleb allōñ.
	* Jibed [Continue (Woñmaanlok)]

	* Kanne Peba in Kolla

	* Kelet ñan likūt email atorej ñan loe kamool eo ilo email
	* Jibed [Continue (Woñmaanlok)]
	* Ededelok an madmōd

K.  ARMEJ RO REJ KOBA ILO BUROKRAAM IN REMARON KE KŌMMAN AN KAJU LOK
KOLLA IN WONNEN REEN ILO KEIN JERBAL KAPEEL KO AN RAAN KEIN, AK KAJU
ETAL KOLLA?

U.  Ejellok kelet ñan an kaju etal kolla ilo ien in.

K.  IMARON KE KOLLA KŌN JĀĀN?

U.  Jab, reban ebōk kolla ko rej lelok ilo jāān.

K: IMARON KE KOLLA WONNEN REEN EO AN BAR JUON BORWAJ? 

U: Aet, kwōnaj aikuj kōjenolok am lelok kolla bwe kajojo borwaj
ewōr aer make akkoun nomba. Ñe kwōnaj mael jek, jouj im likūt peij
eo kein kajilu jen peba in Kōjella im leta in Muri innem jeiki NDL#
ilo lain eo an melele ilo jek eo.

K.  ÑAAT EO AIKUJ KOLLA WONNEN REEN?

U.  Reen aikuj kolla iloan 30 raan jen raan eo kein kajuon ilo aoleb
allōñ. 

K.  AK ÑE ARMEJ EO EJ BŌK KWŌNAAN ILO BUROKRAAM IN ENAJ LELOK
KOLLA ĀLIKIN 30 RAAN?

U. Renaj watoke kolla ko erumij aer etal jen 1 raan in kajojo allōñ
im renaj lelok juon wonnen rumij eo enaj joñan wōt FMR in mweo rej
reene im bareinwōt bakkin ko an wonnen mweo ilo juon allōñ einwōt
bakkin ko jen Kombani eo ej Menija in Mweo, wonnen Etale ko ñan
Kejbarok Jorrāān im Kein Jerbal, wonnen kein jerbal ko rej lelok ilo
mweo im jarom im dān. 

Ñe borwaj eo ejab kollaiki Wonnen Reen eo riwia im rikolla rej errā
kake ibben HUD im aoleben wonnen ko rej koba, renaj kabōjrak aer
jokwe ilo mweo rej bed e kiō im jen aoleben Burokraam in Jibañ kōn
Imōn Jokwe ilo Kōtaan Ien an FEMA. 

K.  AK ÑE INAJ KŌNAAN EMAKŪT JEN MWEO FEMA EJ LETOK ILO KŌTAAN
IEN? 

U. Ñe emōj am elo imōm ak ewōr bar juon wūnin am kōnaan etal jem
mweo FEMA ear lewaj, kōjellaik rijerbal eo ej bar kamoole peba ko am.
Ñe kwōnaj emakūt jen mweo mokta jen jemlokin allōñ eo, ejab am
eddo in kollaiki wonnen reen eo ilo allōñ eo juon. FEMA ejab
kōjejjet an bwinne wonnen reen aoleb allōñ. Ñe kwōnaj emakūt jen
mweo FEMA ear lewaj ilo jabdewōt ien iloan allōñ eo, am eddo in
kollaiki aoleben wonnen reen eo ñan allōñ eo. 

K.  WOÑ EO IJ KEBAAK ELAÑE EWŌR AŌ KAJJITŌK KŌN WĀWEEN KOLLA?

U. Kall e Jikin Jāān eo an FEMA ilo 866-804-2469, MANDE ÑAN
BOLAIDE JEN 9 AWA JIBBON ÑAN 4 AWA RAELAP. EST (EST ILO IEN IN EJ
JILIJINO AWA IMAAN IN AWA EO AN HAWAIʻI) ñe ejab email e
lok FEMA-Finance-AccountsReceivable-Deposits@FEMA.dhs.gov. Ñe kwōj
kōjerbal kein jibañ in bideo, kein jibañ in jeje, ak kein jibañ ko
jet ñan bōk melele, jouj im lelok jejjetin noomba eo an kein jibañ
eo ñan FEMA.