MŌTTAN JUON WIIK ÑAN KANNE PEBA ÑAN JIBAÑ JEN FEMA
[https://www.fema.gov/mh/press-release/20240821/one-week-left-apply-fema-assistance]


Release Date: 
Okooj 21, 2024 

LITTLE ROCK, ARK. – Armij ro rekkar ioone jorrāān in mejatoto im
tornado ko relukkun kauwōtata im rekkar mōñāñe ilo ruwalitok
bukon ko ilo aeñ in Arkansas ilo Mae 24-27 ewõr juon wiik ñan aer
kanne peba ñan jibañ eo jen federal. RAAN EO ĀLIKTATA ÑAN LELOK
PEBA EJ OKWOJ 28.

Armij ro rej jokwe ilo bukon ko ilo Baxter, Benton, Boone, Fulton,
Greene, Madison, Marion ak Randolph im rekkar ioon jorrāān jen an
kar lukkun nana mejatoto remaron tõbrak ñan jibañ eo jen FEMA ñan
jikin kiki ilo kōtaan ien, kōmmane jorrāān jidik ko ilo moko
mweir, wonnen mweiuk ko rejako ak mweiuk ko ejellok injuran im rekkar
jorrāān jen mejatoto.

Aoleb armij in Arkansas ilo jejjetin jikin eo ekkar jorrāān emōj
rōjañ aer kanne peba ibben FEMA mokta jen raan eo āliktata, jekdoon
ejellok wonnen ko emõj antoone ñan kõmmane jorrāān ko ak jemlok
ko jen injuran ko aer. Ñan aer lomnak in lewaj jibañ, armij ro rej
jokwe rej aikuj kanne aer peba ibben FEMA ñan jinoe kõmadmõd eo im
FEMA enaj jerbal ibben armij eo ej kanne ablikajon ñan kalikar ta
melele eo rej aikuj ñan lale elañe emaron tõbrak.

Ñan kanne peba ñan jibañ eo jen FEMA ikijen jorrāān:

	* Etal online ñan DisasterAssistance.gov
[https://www.disasterassistance.gov/],
	* Download ae FEMA App
[https://www.fema.gov/about/news-multimedia/mobile-products].
	* Etal ñan Jikin Jibañ eo ikijen Jorrāān ilo Northwest Arkansas
Community College, Shewmaker Center for Workforce Technologies
(Building 15) ilo 1000 SE Eagle Way, Room B103 ilo Bentonville.
	* Kall ae nomba eo ejellok wonnen 800-621-3362.  Ebellok lain in
kall eo aoleb raan jen 6 awa jibbon ñan 11 awa boñ, awa in CDT, im
ewōr jibañ ilo elõñ kajin ko. Ñe kwõj kōjerbal juon kein jibañ
in bõk melele einwõt VRS, kein jibañ in bōk melele ilo talebon ak
bar jet kain jibañ, lelok nomba in kein jibañ eo ñan FEMA.

Ñe kwõj aikuji juon kein jibañ eo kim maron lewaj ak juon riukok an
kajin kakõlle, jouj im kall ae Lain in Jibañ eo an FEMA ej lale
Maron ko an Armij iomwin Kakien: 833-285-7448 (jibed 2 ñan kajin
Spanish).  Ebellok lain eo Mande ñan Bolaide jen 6 awa jibbon ñan
4:30 awa raelap, awa in CDT.

Ñan melele ko āliktata etal ñan fema.gov/disaster/4788
[https://www.fema.gov/disaster/4788]. Lale akkoun eo an FEMA Region 6
ilo twitter.com/FEMARegion6 [https://twitter.com/FEMARegion6] ñe
ejab Facebook ilo facebook.com/FEMARegion6/
[https://www.facebook.com/FEMARegion6/].