ຄຳຖາມທີ່ຖາມກັນເປັນປະຈຳກ່ຽວກັບເງິນຊ່ວຍເຫຼືອດ້ານໄພພິບັດຂອງ
FEMA
[https://www.fema.gov/lo/fact-sheet/frequently-asked-questions-about-fema-disaster-assistance-0]


Release Date: 
May 1, 2023 

ຜູ້ອາໄສຢູ່ໃນລັດເທນເນສຊີທີ່ໄດ້ຮັບຜົນກະທົບຈາກພາຍຸມໍລະສຸມແລະພາຍຸທໍນາໂດທີ່ເກີດຂຶ້ນບໍ່ດົນມານີ້ມີເວລາຮອດວັນອັງຄານທີ
6 ມິຖຸນາ 2023
ທີ່ຈະສະໝັກຂໍເງິນຊ່ວຍເຫຼືອດ້ານໄພພິບັດຈາກ
FEMA.
ນີ້ແມ່ນຄຳຕອບສຳລັບຄຳຖາມທີ່ຖາມກັນເປັນປະຈຳ:

ຖາມ:
ຖ້າຂ້າພະເຈົ້າໄດ້ຮັບຄວາມເສຍຫາຍຈາກພາຍຸມໍລະສຸມແລະພາຍຸທໍນາໂດທີ່ເກີດຂຶ້ນໃນຊ່ວງວັນທີ
31 ມີນາ ຫາ 1 ເມສາ 2023,
ຂ້າພະເຈົ້າຈະມີສິດໄດ້ຮັບເງິນຊ່ວຍເຫຼືອຈາກ
FEMA ບໍ?

ຕອບ:
ຖ້າເຮືອນຫຼັກທີ່ທ່ານອາໄສຢູ່ໄດ້ຮັບຄວາມເສຍຫາຍແລະທ່ານອາໄສຢູ່ໃນ
10
ເຄົາຕີ້ທີ່ຖຶກກຳນົດໃຫ້ໄດ້ຮັບການຊ່ວຍເຫຼືອສ່ວນບຸກຄົນຈາກ
FEMA,
ທ່ານອາດມີສິດໄດ້ຮັບເງິນຊ່ວຍເຫຼືອນີ້ຈາກ
FEMA. 10 ເຄົາຕີ້ດັ່ງກ່າວ
ໄດ້ແກ່: CANNON, HARDEMAN, HARDIN, HAYWOOD, LEWIS, MACON,
MCNAIRY, RUTHERFORD, TIPTON ແລະ WAYNE.

ຖາມ: 
ຂ້າພະເຈົ້າສະໝັກກັບທາງ FEMA
ແລະ
ໄດ້ຮັບແຈ້ງວ່າຂ້າພະເຈົ້າບໍ່ມີສິດໄດ້ຮັບການຊ່ວຍເຫຼືອ.
ນັ້ນໝາຍຄວາມວ່າຂ້າພະເຈົ້າບໍ່ສາມາດຄາດຫວັງທີ່ຈະໄດ້ຮັບການຊ່ວຍເຫຼືອໃດໆຈາກທາງ
FEMA ແມ່ນ ຫຼື ບໍ່?

ຕອບ: ບໍ່ແມ່ນ.
ນັ້ນໝາຍຄວາມວ່າທ່ານມີເວລາ
60 ມື້
ນັບຈາກວັນທີທີ່ໄດ້ຮັບຮອງໃນຈົດໝາຍ
FEMA ຂອງທ່ານ
ເພື່ອສົ່ງຄໍາອຸທອນເປັນລາຍລັກອັກສອນ.
ໃຫ້ທ່ານອ່ານຈົດໝາຍຢ່າງລະອຽດ
ແລະ ລະມັດລະວັງ;
ໂດຍອະທິບາຍວ່າ:
ໂປຼແກຼມໃດທີ່ທ່ານອາດຈະມີສິດໄດ້ຮັບ.
ໃນຈົດໝາຍຂອງທ່ານທີ່ຂໍໃຫ້ໜ່ວຍງານພິຈາລະນາການຕັດສິນໃຈໃໝ່,
ໃຫ້ທ່ານລວບລວມເອກະສານ ຫຼື
ຂໍ້ມູນທີ່ທາງ FEMA ຮ້ອງຂໍ.
ຖ້າຫາກທ່ານຕ້ອງການປຶກສາກັບຜູ້ຊ່ຽວຊານກ່ອນທີ່ທ່ານຈະຂຽນຈົດໝາຍ,
ໃຫ້ໄປທີ່ສູນຟື້ນຟູໄພພິບັດ
(Disaster Recovery Center)
ທີ່ໃກ້ບ້ານທີ່ສຸດ ຫຼື
ໂທຫາສາຍດ່ວນຂອງ FEMA ທີ່ເບີ
800-621-3362.
ຜູ້ຊ່ຽວຊານທີ່ຢູ່ສູນຟື້ນຟູ
ຍັງສາມາດສົ່ງເອກະສານທີ່ທ່ານຮ້ອງຂໍໄປຫາສູນດຳເນີນການ
FEMA ໄດ້.
ເພື່ອຊອກຫາສູນຟື້ນຟູໄພພິບັດທີ່ຢູ່ໃກ້ບ້ານທ່ານ,
ສາມາດຊອກຫາໄດ້ທີ່ເວັບໄຊຕ໌
https://egateway.fema.gov/ESF6/DRCLocator.

ຖາມ:
ຂ້າພະເຈົ້າບໍ່ສາມາດສ້າງເຮືອນຄືນໃໝ່ໄດ້ຈາກເງິນທີ່ທາງ
FEMA ສະເໜີໃຫ້. ເປັນຫຍັງທາງ FEMA
ຈຶ່ງສະເໜີໃຫ້ຂ້າພະເຈົ້ານ້ອຍໆແບບນີ້?

ຕອບ: ການຊ່ວຍເຫຼືອຂອງ FEMA
ບໍ່ຄືກັນກັບປະກັນໄພ.
ຕາມກົດໝາຍແລ້ວ, FEMA
ບໍ່ສາມາດສະໜອງທຶນສໍາລັບຄ່າໃຊ້ຈ່າຍໄດ້
ເມື່ອແຫຼ່ງເງິນອື່ນໆ
ເຊັ່ນ: ການປະກັນໄພ,
ການລະດົມທຶນຈາກປະຊາຊົນ
ຫຼື
ການຊ່ວຍເຫຼືອທາງດ້ານການເງິນຈາກໜ່ວຍງານອາສາສະມັກໄດ້ກວມເອົາຄ່າໃຊ້ຈ່າຍເຫຼົ່ານັ້ນສໍາລັບຄວາມຕ້ອງການທີ່ກ່ຽວຂ້ອງກັບໄພພິບັດດຽວກັນ.
ເວົ້າອີກແບບໜຶ່ງກໍ່ຄື  FEMA
ບໍ່ສາມາດຈ່າຍຄ່າສ້ອມແປງເຮືອນໄດ້
ຖ້າຫາກວ່າທ່ານໄດ້ຮັບເງິນຈາກບໍລິສັດປະກັນໄພຂອງທ່ານສໍາລັບການສ້ອມແປງເຮືອນແລ້ວ.
FEMA
ຈະບໍ່ໃຫ້ເງິນທົດແທນສໍາລັບລາຍທີ່ເສຍຫາຍ
ຫຼື
ການຊ່ວຍເຫຼືອກັບລາຍການທີ່ບໍ່ຈໍາເປັນ.
ເງິນຊ່ວຍເຫຼືອ FEMA
ແມ່ນເງິນທຶນສໍາລັບການສ້ອມແປງທີ່ຈໍາເປັນ
ເພື່ອເຮັດໃຫ້ເຮືອນແຂງແຮງ
ແລະ ປອດໄພ, ເຂົ້າຢູ່ໄດ້ ແລະ
ໃຊ້ງານໄດ້.
ເຊິ່ງລາຍການທີ່ຈຳເປັນນັ້ນປະກອບມີ
​ຫ້ອງ​ນ້ຳ, ຫຼັງ​ຄາ,
ສາທາລະນະນຸປະໂພກທີ່​ຈຳເປັນ,
ປ່ອງ​ຢ້ຽມ ແລະ​ ປະ​ຕູ.

ຖາມ:
ການຈ່າຍຊົດເຊີຍຈາກການປະກັນໄພຂອງຂ້າພະເຈົ້າ
ບໍ່ໄດ້ຕອບສະໜອງຕາມຄວາມຕ້ອງການທັງໝົດຂອງຂ້າພະເຈົ້າ
ເພື່ອຊ່ວຍໃຫ້ຂ້າພະເຈົ້າຟື້ນຕົວຈາກໄພພິບັດນີ້.
ຂ້າພະເຈົ້າສາມາດຂໍຄວາມຊ່ວຍເຫຼືອເພີ່ມເຕີມຈາກ
FEMA ໄດ້ບໍ?

ຕອບ: ໄດ້,
ທ່ານສາມາດສະໝັກກັບ FEMA
ເພື່ອຂໍການຊ່ວຍເຫຼືອເພີ່ມເຕີມໄດ້.
ຖ້າທ່ານໄດ້ຮັບຄ່າຊົດເຊີຍສູງສຸດຈາກບໍລິສັດປະກັນໄພຂອງທ່ານແລ້ວ
ແລະ
ຍັງມີຄວາມຕ້ອງການທີ່ກ່ຽວຂ້ອງກັບໄພພິບັດທີ່ຍັງບໍ່ໄດ້ຮັບການຕອບສະໜອງ,
ໃຫ້ທ່ານຂຽນໃບຄຳຮ້ອງຂໍໄປຫາ
FEMA ແລະ
ອະທິບາຍຄວາມຕ້ອງການຂອງທ່ານ.
ພ້ອມທັງເອກະສານການຊໍາລະເງິນຈາກບໍລິສັດປະກັນໄພຂອງທ່ານນຳ.

ຖາມ:
ການຊ່ວຍເຫຼືອຈາກໄພພິບັດຕ້ອງຈ່າຍເງິນຄືນບໍ?

ຕອບ:
ອັນນີ້ຂຶ້ນກັບປະເພດຂອງການຊ່ວຍເຫຼືອທີ່ທ່ານໄດ້ຮັບ.
ຖ້າມີຄວາມລ່າຊ້າໃນການຊຳລະເລື່ອງປະກັນໄພຂອງທ່ານ,
ເງິນທຶນຂອງທາງ FEMA ໃດໆ
ຈະເປັນເງິນລ່ວງຫນ້າທີ່ຕ້ອງຊໍາລະຄືນ
ເມື່ອທ່ານໄດ້ຮັບເງິນຂອງທ່ານແລ້ວ.
ເນື່ອງຈາກການຊ່ວຍເຫຼືອຈາກທາງ
FEMA ຈຳກັດ ແລະ
ຄວບຄຸມເອົາສະເພາະຄວາມຕ້ອງການຂັ້ນພື້ນຖານສຳລັບສິ່ງຈຳເປັນທີ່ສຳຄັນທີ່ສຸດ,
ການຊ່ວຍເຫຼືອໄພພິບັດສ່ວນໃຫຍ່ຈາກລັດຖະບານກາງ
ຈຶ່ງສະເໜີໃຫ້ຜ່ານເງິນກູ້ຢືມເງິນສຳລັບຜູ້ປະສົບໄພພິບັດດ້ວຍອັດຕາດອກເບ້ຍຕໍ່າຈາກ
ກອງອຳນວຍການທຸລະກິດຂະໜາດນ້ອຍຂອງສະຫະລັດ
 (U.S. Small Business Administration). ແລະ
ຕ້ອງຊຳລະຄືນເງິນກູ້ SBA
ເຫຼົ່ານັ້ນ.

ຖາມ:
ຫຼາຍໆຄົນໃນຄົວເຮືອນຂອງຂ້າພະເຈົ້າສາມາດຍື່ນຂໍຄວາມຊ່ວຍເຫຼືອຈາກທາງ
FEMA ແຍກກັນໄດ້ບໍ?

ຕອບ: ບໍ່ໄດ້,
ທ່ານສາມາດສົ່ງໄດ້ພຽງແຕ່ຄົນດຽວ
(ໜຶ່ງໃບສະໝັກ)
ສໍາລັບແຕ່ລະຄົວເຮືອນ.

ຖາມ:
ຖ້າຂ້າພະເຈົ້າບໍ່ແມ່ນພົນລະເມືອງສະຫະລັດ,
ຄົນອື່ນໃນຄອບຄົວຂອງຂ້າພະເຈົ້າສາມາດຂໍຄວາມຊ່ວຍເຫຼືອຈາກທາງ
FEMA ໄດ້ບໍ?

ຕອບ:  ໄດ້.
ເພື່ອໃຫ້ມີສິດໄດ້ຮັບການຊ່ວຍເຫຼືອຈາກໂຄງການສ່ວນບຸກຄົນ
ແລະ ຄົວເຮືອນຂອງທາງ FEMA,
 ທ່ານ ຫຼື
ສະມາຊິກໃນຄົວເຮືອນຂອງທ່ານຕ້ອງເປັນພົນລະເມືອງສະຫະລັດ,
ຄົນທີ່ບໍ່ມີສັນຊາດສະຫະລັດ
ຫຼື
ຄົນຕ່າງດ້າວທີ່ມີຄຸນສົມບັດເໝາະສົມຕາມກົດໝາຍທໍ່ນັ້ນ.
ແນວໃດກໍ່ຕາມ,
ຄອບຄົວທີ່ບໍ່ມີເອກະສານການເຂົ້າເມືອງທີ່ຖືກຕ້ອງ
ສາມາດໃຫ້ສະມາຊິກໃນຄອບຄົວທີ່ມີເລກປະກັນສັງຄົມພຽງແຕ່ຄົນດຽວໃນການສະໝັກໄດ້.
ສະມາຊິກໃນຄອບຄົວຄົນນັ້ນອາດຈະເປັນລູກທີ່ຍັງບໍ່ທັນບັນລຸນິຕິພາວະ
ທີ່ເປັນພົນລະເມືອງສະຫະລັດ,
ບໍ່ແມ່ນຄົນທີ່ມີສັນຊາດອາເມຣິກັນ
ຫຼື
ຄົນຕ່າງດ້າວທີ່ມີຄຸນສົມບັດເໝາະສົມຕາມກົດໝາຍ.

 	*
ລູກທີ່ຍັງເປັນເດັກນ້ອຍຕ້ອງຢູ່ກັບພໍ່ແມ່
ຫຼື
ຜູ້ປົກຄອງທີ່ຍື່ນຄຳຮ້ອງສະໝັກແທນເຂົາເຈົ້າ.
ພໍ່ແມ່ ຫຼື
ຜູ້ປົກຄອງບໍ່ຈໍາເປັນຕ້ອງໃຫ້ຂໍ້ມູນໃດໆກ່ຽວກັບສະຖານະການເຂົ້າເມືອງຂອງຕົນ
ຫຼື
ລົງນາມເອກະສານໃດໆກ່ຽວກັບສະຖານະຂອງຕົນເອງ.
 	*
ຄົນຕ່າງດ້າວທີ່ມີຄຸນສົມບັດ
ແມ່ນຄຳສັບທາງກົດໝາຍທີ່ໃຫ້ຄຳນິຍາມລວມເຖິງຜູ້ທີ່ມີຖິ່ນຢູ່ອາໄສຖາວອນຕາມກົດໝາຍ
ຫຼື ຜູ້ຖື “ບັດຂຽວ”;
ບຸກຄົນທີ່ຈັດເປັນຊາວອົບພະຍົບຜູ້ລີ້ໄພ;
ບຸກຄົນທີ່ອະນຸຍາດໃຫ້ລີໄພ;
ບຸກຄົນທີ່ຖືກລະງັບການເນລະເທດ;
ບຸກຄົນທີ່ຖືວີຊາ “T” ຫຼື
“U”; ຫຼື
ບຸກຄົນທີ່ໄດ້ຮັບສະຖານະພາບໃຫ້ເຂົ້າເມືອງຈາກປະເທດຄິວບາ
ແລະ ເຮຕິ.

ຖາມ: ເປັນຫຍັງ FEMA
ຈຶ່ງສົ່ງຂ້າພະເຈົ້າໃຫ້ໄປຫາ
ກອງອຳນວຍການທຸລະກິດຂະໜາດນ້ອຍຂອງສະຫະລັດ
(U.S. SMALL BUSINESS ADMINISTRATION)
ເພື່ອຂໍເງິນກູ້ຢືມ?

ຕອບ: FEMA
ຈະແນະ​ນໍາ​ໃຫ້ທ່ານ​ໄດ້ຮູ້ຈັກກັບ
SBA
ເຖິງ​ແມ່ນ​ວ່າ​ທ່ານຈະ​ບໍ່​ໄດ້​ເປັນ​ເຈົ້າ​ຂອງ​ທຸ​ລະ​ກິດ​
ຫຼື
ເຈົ້າຂອງ​ເຮືອນກໍ່ຕາມ​.
ເງິນກູ້ຢືມຈາກ SBA
ແມ່ນແຫຼ່ງເງິນທຶນທີ່ໃຫຍ່ທີ່ສຸດຂອງລັດຖະບານກາງສຳລັບຜູ້ທີ່ໄດ້ຮັບຜົນກະທົບຈາກໄພພິບັດ.
ເງິນກູ້ຢືມໄລຍະຍາວສຳລັບຜູ້ປະສົບໄພພິບັດ,
ດອກເບ້ຍຕໍ່າສໍາລັບທຸລະກິດ,
ເຈົ້າຂອງເຮືອນ, ຜູ້ເຊົ່າ
ແລະ
ອົງການຈັດຕັ້ງທີ່ບໍ່ຫວັງຜົນກໍາໄລ
ອາດມີໄວ້ເພື່ອຄຸ້ມຄອງການສູນເສຍທີ່ບໍ່ໄດ້ຮັບການຊົດເຊີຍຢ່າງເຕັມມິດເຕັມໜ່ວຍຈາກປະກັນໄພ
ຫຼື ແຫຼ່ງອື່ນໆ.

ຖາມ:
ເງິນຊ່ວຍເຫຼືອດ້ານໄພພິບັດຈາກ
FEMA
ຈະມີຜົນກະທົບຕໍ່ເງິນໂຊໂຊ່
(ເງິນປະກັນສັງຄົມ ຫຼື SOCIAL
SECURITY) ຫຼື
ເງິນຊ່ວຍເຫຼືອອື່ນໆຈາກລັດຖະບານບໍ?

ຕອບ: ບໍ່. ເງິນຊ່ວຍເຫຼືອຈາກ
FEMA
ແມ່ນເງິນທີ່ບໍ່ຕ້ອງເສຍພາສີ
ແລະ
ບໍ່ກະທົບຕໍ່ເງິນໂຊໂຊ່, Medicare
ຫຼື Medicaid. ເງິນທີ່ໃຫ້ລ້າຈາກ
FEMA
ບໍ່ມີຜົນຕໍ່ເງິນຊ່ວຍເຫຼືອຂອງລັດເທນເນສຊີພາຍໃຕ້ໂຄງການຊ່ວຍເຫຼືອດ້ານໂພຊະນາການອາຫານເສີມ(Supplemental
Nutrition Assistance Program ຫຼື SNAP); ຫຼື
ໂຄງການອື່ນໆຂອງລັດຖະບານກາງແລະໂຄງການທີ່ທ່ານມີສິດໄດ້ຮັບຕາມກົດໝາຍ.

ຖາມ:
ເປັນຫຍັງເພື່ອນບ້ານຂອງຂ້າພະເຈົ້າຈຶ່ງໄດ້ເງິນຊ່ວຍເຫຼືອສຳລັບການສ້ອມແປງຫຼາຍກວ່າຂ້າພະເຈົ້າ? 

ຕອບ: FEMA
ພິຈາລະນາໃຫ້ເງິນກັບຜູ້ສະໝັກເປັນແຕ່ລະກໍລະນີໄປ.
ໜ່ວຍງານນີ້ຈະເບິ່ງສະຖານະການປະກັນໄພຂອງທ່ານແລະຂອບເຂດແລະປະເພດຂອງຄວາມເສຍຫາຍທີ່ເກີດຂຶ້ນທີ່ທ່ານໄດ້ຂຽນໄວ້ໃນໃບສະໝັກເພື່ອຂໍເງິນຊ່ວຍເຫຼືອ.
  

ຖາມ: FEMA
ໝາຍຄວາມວ່າຫຍັງຕອນທີ່ບອກວ່າ:
“ເຮືອນປອດໄພທີ່ຈະເຂົ້າໄປຢູ່ໄດ້ແລ້ວ?” 

ຕອບ:
ຄວາມເສຍຫາຍທີ່ເກີດຈາກໄພພິບັດອາດຈະຍັງມີຢູ່,
ແຕ່ອາດຈະບໍ່ມີຜົນກະທົບຕໍ່ການອາໄສຢູ່ໃນເຮືອນຂອງທ່ານ.
ເພື່ອທີ່ຈະຖືວ່າມັນປອດໄພ,
ດ້ານນອກຂອງເຮືອນຈະຕ້ອງມີໂຄງສ້າງທີ່ແຂງແຮງ,
ຮວມເຖິງ ປະຕູ, ຫຼັງຄາ ແລະ
ປ່ອງຢ້ຽມ. ລະບົບໄຟຟ້າ, ແກຊ,
ຮີດເຕີ, ທໍ່ປະປາ, ທໍ່ນ້ຳເສຍ
ແລະ ບໍ່ຊຶມ (septic)
ລະບົບຕ້ອງທຳງານໄດ້ດີ.
ດ້ານໃນຂອງເຮືອນຈະຕ້ອງມີໂຄງສ້າງທີ່ແຂງແຮງ,
ຮວມເຖິງເພດານແລະພື້ນ.
ອາດຕ້ອງມີການກວດເບິ່ງເຮືອນເພື່ອຕັດສິນວ່າເຮືອນຂອງທ່ານປອດໄພ,
ເຂົ້າຢູ່ໄດ້ ແລະ
ໃຊ້ງານໄດ້ຢ່າງປອດໄພ ຫຼື
ບໍ່.   

ຖາມ:
ຂ້າພະເຈົ້າເປັນຜູ້ເຊົ່າເຮືອນ.
ຂ້າພະເຈົ້າສາມາດຂໍຄວາມຊ່ວຍເຫຼືອຈາກ
FEMA ໄດ້ບໍ?

ຕອບ: ໄດ້.
ຜູ້ເຊົ່າທີ່ເຮືອນແລະຊັບສິນຖືກທຳລາຍໂດຍພາຍຸມໍລະສຸມແລະພາຍຸທໍນາໂດສາມາດສະໝັກຂໍຄວາມຊ່ວຍເຫຼືອຈາກລັດຖະບານກາງໄດ້.
ເງິນແບບໃຫ້ລ້າຂອງ FEMA
ສາມາດຊ່ວຍຈ່າຍຄ່າເຮືອນແບບຊົ່ວຄາວໄດ້.
ຜູ້ເຊົ່າອາດມີສິດໄດ້ຮັບເງິນແບບໃຫ້ລ້າເພື່ອໃຊ້ໃນການທົດແທນ
ຫຼື
ສ້ອມແປງຊັບສິນສ່ວນຕົວທີ່ຈຳເປັນ
ເຊັ່ນ ເຟີນິເຈີ,
ເຄື່ອງໃຊ້ໃນເຮືອນ,
ເສື້ອຜ້າ, ປຶ້ມແບບຮຽນ ຫຼື
ເຄື່ອງໃຊ້ຕ່າງໆສຳລັບໂຮງຮຽນ.
  

ຖາມ:
ພາສາອັງກິດບໍ່ແມ່ນພາສາແມ່ຂອງຂ້າພະເຈົ້າ.
ມີຄົນທີ່ FEMA
ບໍທີ່ເວົ້າພາສາລາວໄດ້? 

ຕອບ: ມີ.
ສາຍບໍລິການຊ່ວຍເຫຼືອ (HELPLINE)
ຂອງ FEMA ທີ່ເບີ 800-621-3362,
ມີຜູ້ຊ່ວຍຊານທີ່ເວົ້າຫຼາຍພາສາ.
ຖ້າທ່ານໃຊ້ບໍລິການວີດີໂອທາງໄກແບບຣີເລ
(VRS),
ບໍລິການໂທລະສັບທີ່ມີໂຕໜັງສືສຳລັບຄົນພິການທາງຫູ
ຫຼື ບໍລິການອື່ນໆ,
ໃຫ້ເບີໂທຂອງທ່ານກັບ FEMA
ສຳລັບການບໍລິການທີ່ທ່ານສະໝັກ.
FEMA
ຍັງມີບໍລິການຟຣີຕ່າງໆເພື່ອຊ່ວຍຜູ້ລອດຊີວິດໃຫ້ຕິດຕໍ່ສື່ສານກັບເຈົ້າໜ້າທີ່ຂອງ
FEMA ທາງໂທລະສັບ ຫຼື
ສູນຟື້ນຟູໄພພິບັດ.
ມີບໍລິການແປພາສາມືໃຫ້ກັບຜູ້ເຂົ້າມາໃຊ້ບໍລິການໂດຍຂໍກັບສູນຟື້ນຟູ.
ເພື່ອເບິ່ງວ່າສູນຟື້ນຟູຕັ້ງຢູ່ບ່ອນໃດແດ່,
ໃຫ້ໄປທີ່  https://egateway.fema.gov/ESF6/DRCLocator.

 	*
ສຳລັບຜູ້ຮັບສາຍພາສາສະເປນຜ່ານສາຍບໍລິການຊ່ວຍເຫຼືອ
(HELPLINE) ຂອງ FEMA, ໃຫ້ກົດ 2.
ສຳລັບນາຍພາສາທີ່ເວົ້າພາສາຂອງທ່ານ,
ໃຫ້ກົດ 3.
ສາຍບໍລິການຊ່ວຍເຫຼືອ (HELPLINE)
ເປີດຕັ້ງແຕ່ 6 ໂມງເຊົ້າ ຫາ
ທ່ຽງຄືນ ຕາມເວລາຂອງ CENTRAL DAYLIGHT
ທຸກວັນ. 

ຖາມ:
ຖ້າເຄົາຕີ້ທີ່ຂ້າພະເຈົ້າຢູ່ບໍ່ໄດ້ຖືກປະກາດວ່າຢູ່ໃນເຂດທີ່ປະສົບໄພພິບັດ
ຕ້ອງເຮັດແນວໃດ?

ຕອບ:
ຖ້າການປະກາດເລື່ອງໄພພິບັດບໍ່ໄດ້ລວມເອົາເຄົາຕີ້ຂອງທ່ານສຳລັບການຊ່ວຍເຫຼືອສ່ວນບຸກຄົນຂອງ
 FEMA,
ຜູ້ຈັດການດ້ານສຸກເສີນຂອງລັດອາດສະເໜີການຊ່ວຍເຫຼືອໃຫ້ທ່ານໄດ້.
ເພື່ອທີ່ຈະຢັ້ງຢືນວ່າເຄົາຕີ້ຂອງທ່ານໄດ້ຖືກກຳນົດທີ່ຈະໄດ້ຮັບການຊ່ວຍເຫຼືອສ່ວນບຸກຄົນຂອງ
 FEMA ຫຼື ບໍ່, ໃຫ້ໄປທີ່
https://www.disasterassistance.gov/get-assistance/address-lookup?isMap=false&address=Tennessee.

ຖາມ:
ຂ້າພະເຈົ້າຈະກະກຽມແນວໃດແດ່ສຳລັບການມາກວດເບິ່ງສະພາບເຮືອນໂດຍ 
FEMA?

ຕອບ:
ຂັ້ນຕອນທຳອິດສຳລັບການກວດເບິ່ງສະພາບເຮືອນເລີ່ມຕົ້ນທີ່ທ່ານໄດ້ຮັບການໂທ,
ສົ່ງຂໍ້ຄວາມ ຫຼື
ອີເມວຈາກຜູ້ກວດເບິ່ງສະພາບເຮືອນ
(inspector) ຂອງ   FEMA ເພື່ອນັດເວລາ.
 ໃຫ້ທ່ານຮັບຊາບໄວ້ວ່າເລກໂທທີ່ຂຶ້ນໂຊເທິງຈໍໂທລະສັບຈາກ
FEMA
ອາດເປັນເບີທີ່ທ່ານບໍ່ຮູ້ຈັກ.
ຜູ້ກວດເບິ່ງສະພາບຈະພະຍາຍາມຕິດຕໍ່ທ່ານສາມເທື່ອໃນຊ່ວງເວລາສາມມື້.
ເຄສຂອງທ່ານຈະຖືກລ໋ອກໄວ້
ຖ້າຜູ້ກວດເບິ່ງສະພາບບໍ່ສາມາດຕິດຕໍ່ທ່ານໄດ້ຫຼັງຈາກພະຍາຍາມແລ້ວສາມເທື່ອ. 
ຖ້າທ່ານຕ້ອງການນາຍພາສາ
ຫຼື
ບໍລິການສຳລັບຜູ້ພິການ,
ໃຫ້ໂທຫາສາຍບໍລິການຊ່ວຍເຫຼືອ
(HELPLINE) ຂອງ FEMA ທີ່ເບີ 800-621-3362
ກ່ອນທີ່ຈະມີການກວດເບິ່ງສະພາບເຮືອນ
ແລະ ແຈ້ງໃຫ້ FEMA
ຮູ້ວ່າທ່ານຕ້ອງການຄວາມຊ່ວຍເຫຼືອຫຍັງແດ່.
 

ຖາມ:
ລົດຂອງຂ້າພະເຈົ້າຖືກທຳລາຍໂດຍພາຍຸທໍນາໂດ.
FEMA
ສາມາດຈ່າຍເງິນເພື່ອທົດແທນລົດຂອງຂ້າພະເຈົ້າໄດ້ບໍ?


ຕອບ:
ພາຍໃຕ້ໂຄງການໃຫ້ຄວາມຊ່ວຍເຫຼືອອື່ນໆຂອງ
FEMA,
ໜ່ວຍງານນີ້ອາດຊ່ວຍສ້ອມແປ
ຫຼື
ທົດແທນລົດທີ່ທ່ານໃຊ້ເປັນຫຼັກທີ່ສູນເສຍ
ຫຼື
ໄດ້ຮັບຄວາມເສຍຫາຍຈາກພາຍຸມໍລະສຸມແລະພາຍຸທໍນາໂດ.

ຖາມ:
ອຸປະກອນທາງການແພດຂອງຂ້າພະເຈົ້າຖືກທຳລາຍໃນເວລາທີ່ເຮືອນຂອງຂ້າພະເຈົ້າໄດ້ຮັບຄວາມເສຍຫາຍຈາກພາຍຸ.
FEMA ຈະຈ່າຍຄ່າທົດແທນໃຫ້ບໍ?

ຕອບ:
ພາຍໃຕ້ໂຄງການໃຫ້ຄວາມຊ່ວຍເຫຼືອອື່ນໆ,
FEMA
ອາດຈະໃຫ້ເງິນສຳລັບຊັບສິນສ່ວນຕົວທີ່ຈຳເປັນທີ່ບໍ່ມີປະກັນໄພ
ແລະ
ຄ່າໃຊ້ຈ່າຍຢ່າງອື່ນທີ່ກ່ຽວຂ້ອງກັບພາຍຸ
ເຊັ່ນ ອຸປະກອນທາງການແພດ. 

ຖາມ: ຫຼັງຈາກພາຍຸ,
ຂ້າພະເຈົ້າໄດ້ເຊົ່າບ່ອນເກັບເຄື່ອງ
(STORAGE UNIT)
ສຳລັບມ້ຽນຊັບສິນສ່ວນຕົວ.
FEMA
ຈະຈ່າຍຄ່າເຊົ່າໂຕນີ້ໃຫ້ບໍ?

ຕອບ: ມີເງິນຊ່ວຍເຫຼືອຈາກ FEMA
ໄວ້ສຳລັບຄ່າໃຊ້ຈ່າຍໃນການຍ້າຍແລະເກັບມ້ຽນຊັບສິນ
ຖ້າເຮືອນຂອງທ່ານບໍ່ປອດໄພທີ່ຈະອາໄສຢູ່ຍ້ອນພາຍຸມໍລະສຸມແລະພາຍຸທໍນາໂດທີ່ເກີດຂຶ້ນລະຫວ່າງວັນທີ
31 ມີນາ ຫາ ວັນທີ 1 ເມສາ 2023.

ສຳລັບຂໍ້ມູນຫຼ້າສຸດກ່ຽວກັບການຟື້ນຟູລັດເທນເນສຊີຈາກພາຍຸທີ່ຮຸນແຮງ,
ລົມທີ່ພັດເປັນເສັ້ນກົງ
ແລະພາຍຸທໍນາໂດ,
ທ່ານສາມາດເບິ່ງຂໍ້ມູນໄດ້ທີ່
FEMA.gov/Disaster/4701 [https://www.fema.gov/disaster/4701].
ທ່ານຍັງສາມາດຕິດຕາມໄດ້ທີ່
TN.gov/TEMA [https://www.tn.gov/tema.html]; Twitter.com/TEMA
[https://twitter.com/t_e_m_a], Facebook.com/TNDisasterInfo
[https://www.facebook.com/TNDisasterInfo/posts/pfbid02zyvrrWRmZNYKiURMVgcYpynEgCEWq81oyPd8FfkBwNDd8JenqGiuCjyDfMW2d3mBl],
@FEMARegion4/Twitter [https://twitter.com/femaregion4] ແລະ
Facebook.com/FEMA [https://www.facebook.com/FEMA/].