ການຊ່ວຍເຫຼືອ FEMA
ຈະບໍ່ມີຜົນກະທົບຕໍ່ເງິນຊ່ວຍເຫຼືອອື່ນໆທີ່ທ່ານໄດ້ຮັບຈາກລັດຖະບານ
[https://www.fema.gov/lo/press-release/20230427/fema-assistance-wont-affect-other-benefits]


Release Date: 
ເດືອນເມສາ 27, 2023 

ເມືອງແນຊວິລ, ລັດເທນເນສຊີ
(NASHVILLE, TENN.) – ຜູ້ອາໄສໃນລັດ Tennessee
ທີ່ໄດ້ຮັບເງິນໂຊໂຊ່ ຫຼື
ເງິນຊ່ວຍເຫຼືອອື່ນໆຈາກລັດຖະບານບໍ່ຕ້ອງເປັນຫ່ວງວ່າການຊ່ວຍເຫຼືອສຳລັບການສູນຟື້ນຟູໄພພິບັດທີ່ເກີດຈາກພາຍຸມໍລະສຸມແລະພາຍຸທໍນາໂດ້ທີ່ເກີດຂຶ້ນໃນຊ່ວງວັນທີ
31 ມີນາ ຫາ 1 ເມສາ 2023
ທີ່ໄດ້ຮັບຈາກ FEMA
ນັ້ນຈະມີຜົນກະທົບຕໍ່ເງິນຊ່ວຍເຫຼືອອື່ນໆທີ່ທ່ານໄດ້ຮັບຈາກລັດຖະບານ.
 

ເງິນຊ່ວຍເຫຼືອຈາກ FEMA
ແມ່ນເງິນທີ່ບໍ່ຕ້ອງເສຍພາສີ
ແລະ
ຈະບໍ່ມີຜົນກະທົບຕໍ່ເງິນຊ່ວຍເຫຼືອອື່ນໆ.
ເງິນທີ່ໃຫ້ລ້າຈາກ  FEMA
ຈະບໍ່ມີຜົນກະທົບຕໍ່ເງິນໂຊໂຊ່,
ເມດິແຄ (Medicare) ຫຼື ເມດິເຄດ
(Medicaid).
ແລະຈະບໍ່ມີຜົນກະທົບຕໍ່ເງິນຊ່ວຍເຫຼືອພາຍໃຕ້ໂຄງການອາຫານເສີມຂອງລັດເທນເນສຊີ
(Supplemental Nutrition Assistance Program ຫຼື SNAP) ຫຼື
ໂຄງການອື່ນໆທີ່ເປັນສະຫວັດດິການສັງຄົມແລະທີ່ຜູ້ມີສິດສົມຄວນໄດ້ຮັບຕາມທີ່ກົດໝາຍກຳນົດໄວ້.

ເງິນສຳລັບການຟື້ນຟູໄພພິບັດຊ່ວຍໃຫ້ຜູ້ລອດຊີວິດນຳໄປຈ່າຍຄ່າເຊົ່າເຮືອນຊົ່ວຄາວ,
ຄ່າຊ່ອມແປງເຮືອນທີ່ຈຳເປັນ,
ຄ່າຊ່ອມແປງແລະທົດແທນຊັບສິນສ່ວນຕົວທີ່ຈຳເປັນ,
ແລະຄວາມຕ້ອງການອື່ນໆທີ່ຮ້າຍແຮງທີ່ກ່ຽວຂ້ອງກັບໄພພິບັດທີ່ບໍ່ໄດ້ຮັບການຄຸ້ມຄອງໂດຍການປະກັນໄພ
ຫຼື ໂດຍວິທິອື່ນໆ.   

ພາຍໃຕ້ການຖະແຫຼງການເລື່ອງໄພພິບັດຄັ້ງໃຫຍ່ຂອງທ່ານປະທານາທິບໍດີ,
ບຸກຄົນແລະຄົວເຮືອນໃນ 10
ເຄາຕີ້ຕໍ່ໄປນີ້ມີສິດສະໝັກຂໍຮັບເງິນຊ່ວຍເຫຼືອຈາກ
FEMA ໄດ້: ໄດ້ແກ່ ເຄົາຕີ້ CANNON,
HARDEMAN, HARDIN, HAYWOOD, LEWIS, MACON, MCNAIRY, RUTHERFORD, TIPTON
ແລະ WAYNE.
ຖ້າເຮືອນທີ່ທ່ານອາໄສຢູ່ເປັນປະຈຳໄດ້ຮັບຄວາມເສຍຫາຍ
ຫຼື
ທ່ານສູນເສຍເຮືອນຂອງທ່ານຍ້ອນພາຍຸດັ່ງກ່າວ,
ທ່ານສາມາດສະໝັກຂໍເງິນຊ່ວຍເຫຼືອຈາກ
FEMA ໄດ້.

ການສະໝັກຂໍຄວາມຊ່ວຍເຫຼືອຈາກໜ່ວຍງານອື່ນໆ
ເຊັ່ນ
ສະພາກາແດງຂອງອາເມຣິກາ ຫຼື
ຂອງລັດຈະບໍ່ເຮັດໃຫ້ທ່ານມີສິດທີ່ຈະໄດ້ຮັບເງິນຊ່ວຍເຫຼືອຈາກ
FEMA; ທ່ານຕ້ອງສະໝັກກັບ FEMA
ໂດຍກົງເພື່ອທີ່ຈະໄດ້ຮັບການພິຈາລະນາທີ່ຈະໄດ້ຮັບເງິນຊ່ວຍເຫຼືອຈາກລັດຖະບານກາງ.
ວັນສຸດທ້າຍໃນການສະໝັກຂໍເງິນຊ່ວຍເຫຼືອຈາກ
FEMA ແມ່ນວັນອັງຄານທີ 6
ເດືອນມິຖຸນາ 2023.

 	*
ການສະໝັກຂໍການຊ່ວຍເຫຼືອດ້ານໄພພິບັດຈາກ
FEMA, ໄປທີ່ DisasterAssistance.gov
[http://www.DisasterAssistance.gov], ໃຊ້ FEMA mobile app
[https://www.fema.gov/about/news-multimedia/mobile-app-text-messages]
ຫຼື
ໂທຫາສາຍດ່ວນທີ່ຊ່ວຍເຫຼືອດ້ານໄພພິບັດ
(DISASTER ASSISTANCE HELPLINE) ທີ່ເບີ 800-621-3362.
ຖ້າທ່ານໃຊ້ບໍລິການຣີເລ
ເຊັ່ນ Video Relay Service (VRS),
ບໍລິການໂທລະສັບທີ່ມີໂຕໜັງສືສຳລັບຄົນພິການທາງຫູ
ຫຼື ບໍລິການອື່ນໆ,
ໃຫ້ທ່ານແຈ້ງໝາຍເລກຂອງທ່ານກັບ
 FEMA ຕອນທີ່ທ່ານສະໝັກ.
ຜູ້ຮັບໂທລະສັບສາຍດ່ວນເວົ້າໄດ້ຫຼາຍພາສາ
ແລະ
ສາຍດ່ວນນີ້ເປີດບໍລິການຈາກ
6 ໂມງເຊົ້າ ຫາ ທ່ຽງຄືນ
ຕາມເວລາຂອງ CENTRAL DAYLIGHT ທຸກວັນ.
ໃຫ້ກົດ 2 ສຳລັບພາສາສະເປນ.
ກົດ 3
ສຳລັບນາຍພາສາທີ່ເວົ້າພາສາຂອງທ່ານ.

ສຳລັບວິດີໂອກ່ຽວກັບວິທີການສະໝັກສຳລັບຜູ້ໃຊ້ພາສາມື,
ໄປທີ່
https://www.youtube.com/watch?v=LU7wzRjByhI&list=PL720Kw_OojlKOhtKG7HM_0n_kEawus6FC&index=6

ສຳລັບຂໍ້ມູນຫຼ້າສຸດກ່ຽວກັບການຟື້ນຟູລັດເທນເນສຊີຈາກພາຍຸທີ່ຮຸນແຮງ,
ລົມທີ່ພັດເປັນເສັ້ນກົງແລະພາຍຸທໍນາໂດ,
ທ່ານສາມາດເບິ່ງຂໍ້ມູນໄດ້ທີ່
FEMA.gov/Disaster/4701 [https://www.fema.gov/disaster/4701].
ທ່ານຍັງສາມາດຕິດຕາມໄດ້ທີ່
TN.gov/TEMA [https://www.tn.gov/tema.html]; Twitter.com/TEMA
[https://twitter.com/t_e_m_a], Facebook.com/TNDisasterInfo
[https://www.facebook.com/TNDisasterInfo/posts/pfbid02zyvrrWRmZNYKiURMVgcYpynEgCEWq81oyPd8FfkBwNDd8JenqGiuCjyDfMW2d3mBl],
@FEMARegion4/Twitter [https://twitter.com/femaregion4] ແລະ
Facebook.com/FEMA [https://www.facebook.com/FEMA/].