ເງິນຊ່ວຍເຫຼືອຈາກ FEMA
ຈະຊ່ວຍໃນສິ່ງທີ່ຈຳເປັນຂັ້ນພື້ນຖານທໍ່ນັ້ນ
[https://www.fema.gov/lo/fact-sheet/fema-assistance-provides-basic-needs-0]


Release Date: 
Apr 26, 2023 

ສຳລັບຄອບຄົວແລະຄົວເຮືອນທີ່ໄດ້ຮັບຜົນກະທົບຈາກພາຍຸມໍລະສຸມແລະພາຍຸທໍນາໂດ້ທີ່ເກີດຂຶ້ນໃນຊ່ວງວັນທີ
31 ມີນາ ຫາ 1 ເມສາ 2023,
ໂຄງການສຳລັບບຸກຄົນແລະຄົວເຮືອນຂອງ
FEMA
ແມ່ນໂຄງການດຽວທີ່ຊ່ວຍເຫຼືອດ້ານການເງິນເມື່ອເກີດໄພພິບັດ.
ແຕ່ໂຄງການນີ້ກໍມີຂໍ້ຈຳກັດ.
ເປັນໂຄງການທີ່ຢື່ນມືມາຊ່ວຍເພື່ອຟື້ນຟູທໍ່ນັ້ນ,
ບໍ່ແມ່ນວ່າຈະໃຫ້ເງິນຊົດເຊຍສຳລັບທຸກສິ່ງທຸກຢ່າງທີ່ສູນເສຍໄປ.
  

 	*
ບຸກຄົນແລະຄອບຄົວທີ່ອາໄສຢູ່ໃນເຄົາຕີ້
CANNON, HARDEMAN, HARDIN, HAYWOOD, LEWIS, MACON, MCNAIRY, RUTHERFORD,
TIPTON ແລະ WAYNE
ສາມາດສະໝັກຂໍເງິນຊ່ວຍເຫຼືອຈາກ
FEMA ໄດ້.
 	* ຖ້າໄດ້ຮັບອະນຸມັດ,
ທ່ານອາດໄດ້ຮັບເງິນຈຳນວນທີ່ຈຳກັດຊຶ່ງເປັນເງິນຊ່ວຍເຫຼືອຈາກ
FEMA
ສຳລັບຜູ້ປະສົບໄພພິບັດເພື່ອນຳໄປໃຊ້ໃນການສ້ອມແປງເຮືອນທີ່ເປັນບ່ອນອາໄສຫຼັກແລະ/ຫຼືສ້ອມແປງແລະທົດແທນຊັບສິນສ່ວນຕົວທີ່ຈຳເປັນໃນກໍລະນີທີ່ຄວາມເສຍຫາຍນັ້ນບໍ່ໄດ້ຮັບຄວາມຄຸ້ມຄອງຈາກການປະກັນໄພ.
ເຮືອນຫຼັກທີ່ທ່ານອາໄສຢູ່ໝາຍເຖິງເຮືອນທີ່ທ່ານອາໄສຢູ່ຫຼາຍກວ່າຫົກເດືອນໃນໜຶ່ງປີ.
  
 	*
ບຸກຄົນແລະຄົວເຮືອນທີ່ໄດ້ຮັບອະນຸມັດເງິນຊ່ວຍເຫຼືອຈາກ
FEMA
ບໍ່ຄວນຄາດຫວັງວ່າຈະໄດ້ຮັບເງິນຊ່ວຍເຫຼືອຈຳນວນສູງສຸດສຳລັບການສູນເສຍຂອງຜູ້ກ່ຽວ.
  
 	* ເງິນຊ່ວຍເຫຼືອຂອງ FEMA
ສຳລັບຜູ້ປະສົບໄພພິບັດບໍ່ແມ່ນເງິນທີ່ມາແທນທີ່ການຈ່າຍຄ່າປະກັນໄພ.
ເງິນຊ່ວຍເຫຼືອຂອງ FEMA
ນີ້ຈະຊ່ວຍໃນສິ່ງທີ່ຈຳເປັນຂັ້ນພື້ນຖານທໍ່ນັ້ນເພື່ອເຮັດໃຫ້ເຮືອນປອດໄພ,
ເຂົ້າຢູ່ໄດ້ ແລະ
ໃຊ້ງານໄດ້. FEMA
ຈະບໍ່ຊ່ວຍຈ່າຍສິ່ງທີ່ຖືກທຳລາຍຕາມມູນຄ່າທີ່ມີການປະກັນໄພໄວ້
ຫຼື
ສຳລັບສິ່ງທີ່ບໍ່ຈຳເປັນ.   
 	*
ຜູ້ທີ່ເປັນເຈົ້າຂອງເຮືອນແລະຜູ້ເຊົ່າເຮືອນຈະຕ້ອງສົ່ງກ້ອບປີ້ຂອງການຕົກລົງກັບບໍລິສັດປະກັນໄພມາພ້ອມ
ເພາະວ່າຕາມກົດໝາຍແລ້ວ FEMA
ບໍ່ສາມາດຈ່າຍຄ່າຕ່າງໆທີ່ໄດ້ຮັບຄວາມຄຸ້ມຄອງຈາກບໍລິສັດປະກັນໄພ
ຫຼື ຈາກແຫຼ່ງອື່ນແລ້ວ
ເຊັ່ນ ກອງທຶນຈາກຊຸມຊົນ
ຫຼື
ການຊ່ວຍເຫຼືອດ້ານການເງິນຈາກໜ່ວຍງານຈິດອາສາຕ່າງໆ.
   
 	*
ເນື່ອງຈາກວ່າສະຖານະການຂອງແຕ່ລະຄົນແຕກຕ່າງກັນ,
ເງິນຊ່ວຍເຫຼືອຈະມີການພິຈາລະນາຕາມຄວາມເໝາະສົມສຳລັບແຕ່ລະກໍລະນີ.
ຄ່າໃຊ້ຈ່າຍໃນການສ້ອມແປງທີ່ເກີນເງື່ອນໄຂທີ່ກຳນົດໄວ້ເພື່ອເຮັດໃຫ້ເຮືອນປອດໄພ,
ເຂົ້າຢູ່ໄດ້ ແລະ
ໃຊ້ງານໄດ້
ຈະບໍ່ມີສິດໄດ້ຮັບເງິນຊ່ວຍເຫຼືອຈຳນວນນີ້.
  
 	* ຕົວຢ່າງເຊັ່ນ, FEMA
ຈະບໍ່ຈ່າຍເຮືອນທີ່ບໍ່ໄດ້ຖືກທຳລາຍໂດຍພາຍຸຢ່າງຫຼວງຫຼາຍ,
ຫຼື
ຄວາມເສຍຫາຍນັ້ນບໍ່ມີຜົນຕໍ່ການຢູ່ອາໄສ.
ຄວາມເສຍຫາຍຕໍ່ບໍລິເວນທີ່ບໍ່ຈຳເປັນ,
ບໍລິເວນສວນ ຫຼື
ອາຫານທີ່ບູດເນົ່າ
ຈະບໍ່ມີສິດໄດ້ຮັບເງິນຊ່ວຍເຫຼືອຈາກ
FEMA.
 	*
ຜູ້ສະໝັກບາງຄົນອາດຖືກແນະນຳໃຫ້ໄປສະໝັກກູ້ຢືມເງິນສຳລັບຜູ້ປະສົບໄພພິບັດກັບຫ້ອງການບໍລິຫານຈັດການທຸລະກິດຂະໜາດນ້ອຍຂອງສະຫະລັດ.
ມີເງິນກູ້ໃນອັດຕາດອກເບ້ຍຕ່ຳສຳລັບທຸລະກິດ,
ອົງກອນທີ່ບໍ່ຫວັງຜົນກຳໄລ,
ເຈົ້າຂອງເຮືອນແລະຜູ້ເຊົ່າເຮືອນທີ່ບໍ່ໄດ້ຮັບການຄຸ້ມຄອງທັງໝົດຈາກການປະກັນໄພ
ຫຼື ຈາກແຫຼ່ງອື່ນໆ.  
 	*
ຂໍສະໜັບສະໜູນໃຫ້ທ່ານສະໝັກກູ້ຢືມເງິນສຳລັບຜູ້ປະສົບໄພພິບັດກັບ
SBA
ເຖິງແມ່ນວ່າທ່ານບໍ່ແນ່ໃຈວ່າທ່ານມີຄວາມຈຳເປັນ
ຫຼື
ຄວາມຕ້ອງການທີ່ຈະໃຊ້ເງິນນັ້ນຫຼືບໍ.
ຖ້າ SBA
ບໍ່ສາມາດອະນຸມັດການສະໝັກຂອງທ່ານ,
ໃນກໍລະນີສ່ວນໃຫຍ່ແລ້ວ  SBA
ຈະແນະນຳໃຫ້ຜູ້ສະໝັກໄປຂໍຄວາມຊ່ວຍເຫຼືອຈາກໂຄງການອື່ນໆຂອງ
FEMA.
ແຕ່ຖ້າທ່ານບໍ່ສົ່ງໃບສະໝັກ
ອາດເຮັດໃຫ້ທ່ານຖືກຕັດສິດຈາກການຊ່ວຍເຫຼືອອື່ນໆຂອງ
FEMA ສຳລັບຄ່າໃຊ້ຈ່າຍຕ່າງໆ
ເຊັ່ນ ການສ້ອມແປງລົດ,
ເຄື່ອງໃຊ້ໃນເຮືອນທີ່ຈຳເປັນແລະຄ່າໃຊ້ຈ່າຍທີ່ກ່ຽວຂ້ອງກັບໄພພິບັດອື່ນໆ.
 
 	* ສຳລັບການສະໝັກກັບ SBA
ທາງອອນລາຍ ຫຼື ດາວໂຫຼດແອບ,
ໃຫ້ໄປທີ່ https://DisasterLoanAssistance.sba.gov/.
ທ່ານສາມາດໂທຫາສູນບໍລິການລູກຄ້າຂອງ
SBA ໄດ້ທີ່ເບີ 800-659-2955 ຫຼື
ອີເມວໄປທີ່ DisasterCustomerService@sba.gov
ເພື່ອຂໍຂໍ້ມູນເພີ່ມເຕີມ
ຫຼື
ໃຫ້ເອກະສານໃບສະໝັກຂໍກູ້ຢືມເງິນສົ່ງໄປໃຫ້ທ່ານທາງໄປສະນີ.
ສຳລັບຜູ້ທີ່ຫູໜວກ,
ມີບັນຫາດ້ານການໄດ້ຍິນ ຫຼື
ພິການດ້ານການເວົ້າ,
ໃຫ້ກົດ 711
ເພື່ອຮັບບໍລິການໂທລະຄົມມະນາຄົມແບບຣີເລ.
ເອກະສານໃບສະໝັກທີ່ຂຽນຮຽບຮ້ອຍແລ້ວໃຫ້ສົ່ງໄປທີ່
U.S. SMALL BUSINESS ADMINISTRATION, PROCESSING AND DISBURSEMENT
CENTER, 14925 KINGSPORT ROAD, FORT WORTH, TX 76155.
ທ່ານຍັງສາມາດສະໝັກໄດ້ໂດຍໄດ້ຮັບຄວາມຊ່ວຍເຫຼືອຈາກຜູ້ຕາງໜ້າຂອງ
SBA ຫຼື
ສົ່ງໃບສະໝັກຂໍກູ້ຢືມເງິນໄດ້ທີ່ສູນຟື້ນຟູທຸລະກິດ
(Business Recovery Center).
ໃຫ້ກົດບ່ອນນີ້ເພື່ອເບິ່ງວ່າສູນໃດແດ່ທີ່ເປີດໃຫ້ບໍລິການ:
https://www.fema.gov/press-release/20230421/its-important-return-your-sba-loan-application. 
 	*
ວັນສຸດທ້າຍໃນການສະໝັກຂໍເງິນຊ່ວຍເຫຼືອຈາກ
FEMA
ແລະການກູ້ຢືມເງິນສຳລັບຜູ້ປະສົບໄພພິບັດແບບດອກເບ້ຍຕ່ຳແມ່ນວັນອັງຄານທີ
6 ເດືອນມິຖຸນາ 2023.
ວັນສຸດທ້າຍໃນການສະໝັກກູ້ຢືມເງິນຈາກ
SBA ສຳລັບທຸລະກິດຂະໜາດນ້ອຍ,
ສະຫະກອນກະສິກຳຂະໜາດນ້ອຍ
ແລະ
ອົງກອນທີ່ບໍ່ຫວັງຜົນກຳໄລສ່ວນໃຫຍ່ຂອງພາກເອກະຊົນທີ່ໄດ້ຮັບຜົນກະທົບດ້ານເສດທະກິດແມ່ນວັນຈັນທີ
8 ເດືອນມັງກອນ 2024. 
 	*
ການສະໝັກຂໍການຊ່ວຍເຫຼືອດ້ານໄພພິບັດຈາກ
FEMA, ໄປທີ່ DisasterAssistance.gov
[http://www.DisasterAssistance.gov], ໃຊ້ FEMA mobile app
[https://www.fema.gov/about/news-multimedia/mobile-app-text-messages]
ຫຼື
ໂທຫາສາຍດ່ວນທີ່ຊ່ວຍເຫຼືອດ້ານໄພພິບັດ
(DISASTER ASSISTANCE HELPLINE) ທີ່ເບີ 800-621-3362.
ຖ້າທ່ານໃຊ້ບໍລິການຣີເລ
ເຊັ່ນ Video Relay Service (VRS),
ບໍລິການໂທລະສັບທີ່ມີໂຕໜັງສືສຳລັບຄົນພິການທາງຫູ
ຫຼື ບໍລິການອື່ນໆ,
ໃຫ້ທ່ານແຈ້ງໝາຍເລກຂອງທ່ານກັບ
 FEMA ຕອນທີ່ທ່ານສະໝັກ.
ຜູ້ຮັບໂທລະສັບສາຍດ່ວນເວົ້າໄດ້ຫຼາຍພາສາ
ແລະ
ສາຍດ່ວນນີ້ເປີດບໍລິການຈາກ
6 ໂມງເຊົ້າ ຫາ ທ່ຽງຄືນ
ຕາມເວລາຂອງ CENTRAL DAYLIGHT ທຸກວັນ.
ໃຫ້ກົດ 2 ສຳລັບພາສາສະເປນ.
ກົດ 3
ສຳລັບນາຍພາສາທີ່ເວົ້າພາສາຂອງທ່ານ. 
 	*
ສຳລັບທ່ານທີ່ມີຄຳຖາມກ່ຽວກັບເງິນຊ່ວຍເຫຼືອຈາກ
FEMA,
ທ່ານສາມາດໄປທີ່ສູນຟື້ນຟູໄພພິບັດ.
ສາມາດເລືອກສະຖານທີ່ໄດ້ຈາກບ່ອນນີ້: 
https://egateway.fema.gov/ESF6/DRCLocator. 
 	*
ສຳລັບວິດີໂອກ່ຽວກັບວິທີການສະໝັກສຳລັບຜູ້ໃຊ້ພາສາມື,
ໄປທີ່
https://www.youtube.com/watch?v=LU7wzRjByhI&list=PL720Kw_OojlKOhtKG7HM_0n_kEawus6FC&index=6

ສຳລັບຂໍ້ມູນຫຼ້າສຸດກ່ຽວກັບການຟື້ນຟູລັດເທນເນສຊີຈາກພາຍຸທີ່ຮຸນແຮງ,
ລົມທີ່ພັດເປັນເສັ້ນກົງແລະພາຍຸທໍນາໂດ,
ທ່ານສາມາດເບິ່ງຂໍ້ມູນໄດ້ທີ່
FEMA.gov/Disaster/4701 [https://www.fema.gov/disaster/4701].
ທ່ານຍັງສາມາດຕິດຕາມໄດ້ທີ່
TN.gov/TEMA [https://www.tn.gov/tema.html]; Twitter.com/TEMA
[https://twitter.com/t_e_m_a], Facebook.com/TNDisasterInfo
[https://www.facebook.com/TNDisasterInfo/posts/pfbid02zyvrrWRmZNYKiURMVgcYpynEgCEWq81oyPd8FfkBwNDd8JenqGiuCjyDfMW2d3mBl],
@FEMARegion4/Twitter [https://twitter.com/femaregion4] ແລະ
Facebook.com/FEMA [https://www.facebook.com/FEMA/].