ទឹកជំនន់ភ្លាមៗ៖
ត្រៀមខ្លួនជាស្រេចដើម្បីធ្វើសកម្មភាព
[https://www.fema.gov/km/fact-sheet/flash-flooding-be-ready-act] 

Release Date: 
កញ្ញា 7, 2022 

ទឹកជំនន់ភ្លាមៗ
កើតឡើងនៅពេលដែលភ្លៀងធ្លាក់ខ្លាំងពេក
និងយូរពេកសម្រាប់ដីស្រូបយកទឹកទាំងអស់។
ប្រជាពលរដ្ឋ Louisiana
ស៊ាំនឹងព្យុះផ្គររន្ទះ។
ប៉ុន្តែប្រសិនចំណុចកណ្ដាលនៃព្យុះមួយនៅស្ថិតនៅតំបន់មួយ
ហើយមានភ្លៀងធ្លាក់ខ្លាំងរាប់ម៉ោង
នោះអាចនាំឱ្យមានទឹកជំនន់ភ្លាមៗ
ដែលគំរាមកំហែងដល់អាយុជីវិតមនុស្ស
និងខូចខាតទ្រព្យសម្បត្តិ។

បុព្វហេតុផ្សេងៗ

 

 	* ទឹកជំនន់ភ្លាមៗ
ភាគច្រើនបណ្តាលមកពីព្យុះផ្គររន្ទះដែលធ្វើដំណើរយឺតៗ
ឬស្ថិតនៅកន្លែងមួយ
ដោយព្យុះផ្គររន្ទះបកទៅមកៗម្តងហើយម្តងទៀតលើតំបន់ដដែល
ឬដោយភ្លៀងធ្លាក់ខ្លាំងពីព្យុះខ្យល់កំបុតត្បូង
និងព្យុះត្រូពិច។
ភ្លៀងធ្លាក់ខ្លាំងអាចបង្កើតទឹកជំនន់យ៉ាងឆាប់រហ័សក្នុងរយៈពេលពីរបីម៉ោង
ឬសូម្បីតែប៉ុន្មាននាទី
ហើយទឹកជំនន់អាចកើតឡើងរាប់ម៉ែលពីកន្លែងដែលភ្លៀងធ្លាក់។
 	*
កត្តាមួយចំនួននាំឱ្យមានទឹកជំនន់ភ្លាមៗ។
កត្តាសំខាន់ពីរគឺថាតើភ្លៀងធ្លាក់ខ្លាំងប៉ុណ្ណា
(កម្រិតទឹកភ្លៀង)
និងរយៈពេលដែលភ្លៀងធ្លាក់
(រយៈពេល)។
 	* ផ្ទៃដីនៅរដ្ឋ Louisiana
ភាគច្រើនជាដីទំនាប។
នេះបណ្តាលឱ្យមានបញ្ហាបង្ហូរទឹកក្នុងអំឡុងពេលមានភ្លៀងធ្លាក់ខ្លាំងនៅរដូវក្តៅ
ព្យុះត្រូពិច
និងព្យុះខ្យល់កំបុតត្បូង។
ផ្លូវ
និងចំណតរថយន្តមិនអាចស្រូបទឹកបានទេ
ទឹកនោះត្រូវតែបង្ហូរចូលទៅក្នុងប្រឡាយនិងវាលភក់ត្រពាំង
(bayous)ដែលឆ្អែត (ទឹកជោគ)។
កំទេចកំទីដែលសល់ពីខ្យល់ព្យុះដែលមិនបានសម្អាតនៅតាមប្រឡាយ
ប្រឡាយបង្ហូរទឹក
និងផ្លូវទឹកអាចរារាំងទឹកមិនឱ្យហូរបានដោយរលូន។

លទ្ធផល

 

 	*
ទឹកជំនន់ភ្លាមៗអាចបោកបក់រថយន្តទៅឆ្ងាយ
ដកដើមឈើទាំងឫស
និងបំផ្លាញអគារ និងស្ពាន។
ទឹកហូរដែលមានជម្រៅប្រាំមួយអ៊ីញអាចធ្វើឱ្យមនុស្សម្នាក់ដួល។
ទឹកពីរហ្វីតដែលហូរ
អាចអូសទាញយានជំនិះទៅឆ្ងាយបាន។
ជាធម្មតាគ្មានសញ្ញាព្រមានថានឹងមានទឹកជំនន់ភ្លាមៗដែលអាចជាគ្រោះថ្នាក់ដល់ជីវិតនឹងមកដល់នោះទេ។
អ្នកស្លាប់ដោយសារទឹកជំនន់ភាគច្រើននៅសហរដ្ឋអាមេរិកកើតឡើងដោយទឹកជំនន់ភ្លាមៗ។

 
ការព្រមានអំពីទឹកជំនន់ (FLOOD
WARNING)នឹងការប្រយ័ត្ននឹងទឹកជំនន់
(FLOOD WATCH)

ការប្រយ័ត្ននឹងទឹកជំនន់ភ្លាមៗ
(flash flood
watch)មានន័យថាស្ថានភាពគឺត្រឹមត្រូវសម្រាប់ទឹកជំនន់ភ្លាមៗ
ការព្រមានអំពីទឹកជំនន់ភ្លាមៗ
(flash flood warning) មានន័យថា
ទឹកជំនន់កំពុងកើតឡើង
ឬជិតមកដល់។   

ការប្រយ័ត្ននឹងទឹកជំនន់ភ្លាមៗ
(FLASH FLOOD WATCH)

នៅពេលមានការប្រកាសការប្រយ័ត្ននឹងទឹកជំនន់ភ្លាមៗ
(flash flood WATCH)
សូមប្រុងប្រយ័ត្នចំពោះសញ្ញានៃទឹកជំនន់ភ្លាមៗ
ហើយត្រៀមខ្លួនដើម្បីជម្លៀសខ្លួននៅពេលមានការជូនដំណឹងភ្លាមៗ។

 	*
កុំចតយានជំនិះរបស់លោកអ្នកនៅតាមមាត់ច្រាំងវាលភក់ត្រពាំង
(bayous) ប្រឡាយ អូរ
ឬផ្លូវទឹកផ្សេងទៀត។
 	*
ជៀសវាងតំបន់ដែលទទួលរងការជន់លិច
រួមទាំងតំបន់ដែលមានការ់ធ្លាក់ចុះ
កន្លែងទាប និងប្រឡាយ។
 	*
ប្រុងប្រយ័ត្នចំពោះទឹកដែលហក់ឡើងយ៉ាងលឿន។

    

ការព្រមានអំពីទឹកជំនន់ភ្លាមៗ
(FLOOD WARNING)

នៅពេលមានការប្រកាសការព្រមានអំពីទឹកជំនន់ភ្លាមៗ
(flash flood WARNING)
ឬនៅពេលលោកអ្នកឃើញទឹកជន់មក
សូមធ្វើសកម្មភាពយ៉ាងឆាប់រហ័សដើម្បីជួយសង្រ្គោះខ្លួនអ្នក។

 	* ទៅដីខ្ពស់ប្រសិនបើអាច។
 	*
ជៀសវាងកន្លែងដែលទឹកជន់លិច
និងកន្លែងណាដែលមានទឹកហូរយ៉ាងលឿន។
 	*
កុំព្យាយាមឆ្លងផ្លូវទឹកដែលហូរ។
 	*
ប្រសិនបើត្រូវបានណែនាំឱ្យជម្លៀសចេញ
លោកអ្នកត្រូវធ្វើភ្លាមៗ។
 	*
បន្តតាមដានការព្យាករណ៍អាកាសធាតុ
និងការជូនដំណឹង -
នៅតាមវិទ្យុ ទូរទស្សន៍
ឬទូរស័ព្ទរបស់លោកអ្នក។

 

ការបើកបរ និងទឹកជំនន់៖
ការផ្សំចូលគ្នាដ៏គ្រោះថ្នាក់

 

 	*
ស្ទើរតែពាក់កណ្តាលនៃអ្នកស្លាប់ដោយសារទឹកជំនន់ភ្លាមៗគឺទាក់ទងនឹងរថយន្ត។
 	*
ប្រសិនបើបើកបរក្នុងភ្លៀងខ្លាំង
សូមប្រុងប្រយ័ត្នចំពោះទឹកជំនន់នៅផ្លូវហាយវេត្រឹមកន្លែងដែលធ្លាក់ចុះ
និងផ្លូវក្រោមស្ពាន។
 	*
កុំព្យាយាមបើកបរឆ្លងកាត់ផ្លូវលិចទឹក។
ជម្រៅទឹកមិនតែងតែច្បាស់ទេ
ហើយផ្លូវអាចត្រូវបានទឹកជន់លុបចេញ។
សូមត្រឡាប់ក្រោយហើយទៅតាមផ្លូវផ្សេងទៀត។
 	*
ប្រសិនបើយានជំនិះត្រូវម៉ាស៊ីនរលត់ក្នុងទឹកជន់ខ្ពស់
ត្រូវទុកវាចោលភ្លាមៗ
ហើយស្វែងរកដីខ្ពស់ជាង។
ទឹកដែលហក់ឡើងយ៉ាងលឿនអាចនឹងខ្ទប់រថយន្តហើយបោកបក់ទៅឆ្ងាយ។