AGINGGA ITI MAYO 31 PARA KADAGITI UMILI TI COFA TAPNO AGAPLIKAR PARA
TI TULONG ITI FEMA
[https://www.fema.gov/ilo/press-release/20240529/cofa-citizens-have-until-may-31-apply-fema-assistance]


Release Date: 
Mayo 28, 2024 

HONOLULU – Asidegen ti plaso para kadagiti umili ti COFA a
naapektaran dagiti uram iti kabakiran idi Ago. 8 idiay Maui tapno
agaplikar para ti tulong ti didigra iti FEMA. Ti 60 nga aldaw nga a
panawen ti aplikasion ket aggibus inton BIERNES, MAYO 31.

Maibilang kadagidiay maikari nga agaplikar iti Programa para kadagiti
Indibidual ken Sangkabalayan iti FEMA ket dagiti umili ti Republika ti
Palau, ti Federated States of Micronesia, ken ti Republic of the
Marshall Islands.

Tapno makapagaplikar, dagiti umili ti COFA ket masapul a tumawag iti
808-784-1952  wenno bumisita iti Lahaina Disaster Recovery Center iti
Hyatt Regency Maui Resort and Spa, 200 Nohea Kai Drive. Dagiti linia
ti telepono ket nakalukat manipud 8 A.M. AGINGGA ITI 4 P.M. HST LUNES
AGINGGA BIERNES; 8 A.M. AGINGGA ITI 2 P.M. HST SABADO; NAKASERRA ITI
DOMINGO.

Dagiti nakalasat nga agur-uray a maisaadda kadagiti yunit a naited iti
sidong ti FEMA's Direct Lease program mabalinda met ti tumawag iti
808-784-1600. Ibatiyo ti siam a digit a numeroyo iti
panagparehistroyo iti FEMA ken ti numeroyo iti telepono a mabalin a
pakakontakan kadakayo, ket maysa a mangad-adal iti kasasaad ti tumawag
kadakayo iti uneg ti 24 nga oras.

Ti FEMA assistance ket mabalin a mangtaming iti nadumaduma a kasapulan
a mainaig iti nakaro a didigra a pakairamanan ti temporario a balay
ken pannakasukat dagiti napapateg a personal a sanikua no ti nadadael
ket saan a sakupen ti seguro. Saklawenna met dagiti nainaig iti
didigra a paggastusan iti pumpon, medikal, dental,
panagakar-ken-panagidulin ken panangaywan kadagiti ubbing.

Dagiti tulong ti FEMA ket saan a mabu-buisan, saan a kasapulan a
masubadan, ken saanna nga apektaran ti kualipikasionyo para iti Social
Security, Medicaid ken dadduma pay a benepisio pederal.

Para ti kabaruan nga impormasion maipapan kadagiti panangikagumaan iti
iyuungar manipud iti uram iti kabakiran ti Maui, bisitaen
ti mauicounty.gov [https://www.mauicounty.gov/], mauirecovers.org
[https://www.mauirecovers.org/], fema.gov/disaster/4724
[https://www.fema.gov/disaster/4724] ken Hawaii Wildfires - YouTube
[https://www.youtube.com/playlist?list=PL720Kw_OojlIM8FHJj9BdjiwvYom-orLO].
I-follow ti FEMA iti social media: @FEMARegion9
[https://twitter.com/femaregion9] ken iti facebook.com/fema
[http://www.facebook.com/fema]. Mabalinyo met ti makagun-od iti
impormasion maipapan iti tulong iti didigra manipud iti U.S. Small
Business Administration ken i-download ti aplikasion
iti sba.gov/hawaii-wildfires [https://www.sba.gov/hawaii-wildfires].