AGTALINAEDKA A NAKIKOMUNIKAR ITI FEMA TAPNO MATULONGAN A
MANGTAGINAYON ITI PANAGIMBAGMO ITI DALAN
[https://www.fema.gov/ilo/press-release/20231130/stay-touch-fema-help-keep-your-recovery-track]


Release Date: 
Nobiembre 30, 2023 

HONOLULU – Mabalin a maitantan ti pannakaited ti tulong ti FEMA ti
awan wenno di umiso nga impormasion. Dayta’t gapuna a paregtaen ti
FEMA dagiti homeowners ken renters nga agpapaimbag manipud iti uram
iti kabakiran iti Agosto iti Maui nga agtalinaed a nasinged iti
ahensia ken pagtalinaedenda nga agdama nga impormasionda agingga a
mabalin.

 

Kontaken ti FEMA tapno ma-update ti aplikasionmo, maala ti kasasaad ti
kasom wenno agsaludsod maipapan iti proseso ti tulong iti didigra.

 

Makatulong pay ti FEMA a mangikonektar kenka kadagiti serbisio a
mangipapaay iti panangbalakad iti krisis ken legal a tulong iti
didigra ken dagiti saan a makaganansia a programa a mangitukon
kadagiti kanayonan a rekurso. Mabalin met a kitaen dagiti espesialista
ti FEMA no mabalin a saklawen ti programa ti Individual Assistance ti
pannakadadael a saan a saklawen ti insurance-yo.

 

Ania’t no kasano ti agtalinaed a nasinged iti FEMA:

 

	* Mangaramid iti online account iti DisasterAssistance.gov.
[https://www.disasterassistance.gov/] No addan, mabalinmo ti ag-log
in tapno ma-update ti kasasaadmo wenno mai-upload dagiti dokumentom.
	* Tawagan ti FEMA HELPLINE iti 800-621-3362. No agus-usar ka iti
relay service kas iti Video Relay Service, captioned telephone service
wenno dadduma pay, itedmo iti FEMA ti numerom para iti dayta a
serbisio no tumawagka. Mabalin dagiti operator ti helpline manipud 1
A.M. AGINGGA 8 P.M., pito nga aldaw iti makalawas ken adu ti
pagsasaoda. Pinduten ti 2 para iti Espaniol. Pinduten ti 3 para iti
interpreter nga agsasao iti pagsasaoyo.
	* Mabalinmo ti mangipatulod iti fax iti FEMA iti 800-827-8112 ken
mangipaay iti kopia ti insurance settlement-mo ken ti suratmo iti
apela. Mabalinmo pay ti mangisubmitir kadagiti dokumento iti daytoy
nga adres:

 

FEMA NATIONAL PROCESSING SERVICE CENTER

P.O. BOX 10055

HYATTSVILLE, MD 20782-8055

 

No makiuman iti FEMA, agsaganaka a mangted iti espesialista iti siam a
digit a numero a naituding kenka idi nagaplayka iti tulong no didigra.

 

Para iti kaudian nga impormasion maipapan kadagiti panagregget a
mangpaimbag iti uram iti kabakiran ti Maui, bisitaen
ti mauicounty.gov [https://www.mauicounty.gov/], mauirecovers.org,
[https://www.mauirecovers.org/] fema.gov/disaster/4724 
[https://www.fema.gov/disaster/4724]ken Hawaii Wildfires - YouTube
[https://www.youtube.com/playlist?list=PL720Kw_OojlIM8FHJj9BdjiwvYom-orLO].
Suroten ti FEMA iti social media: @FEMARegion9
[https://twitter.com/femaregion9] and facebook.com/fema. 
[http://www.facebook.com/fema] Mabalinmo pay ti makagun-od iti
impormasion maipapan iti tulong iti didigra ken i-download dagiti
aplikasion iti sba.gov/hawaii-wildfires.
[https://www.sba.gov/hawaii-wildfires]