FEMA SÒTI YON AVI PIBLIK DIRÈK KIMILATIF POU LOJMAN NAN FLORIDA
[https://www.fema.gov/ht/press-release/20241212/fema-issues-direct-housing-cumulative-public-notice-florida]


Release Date: 
Desanm 12, 2024 

TALLAHASSEE, FLA.– Yo afiche avi piblik sou sit entènèt FEMA a ki
dekri asistans FEMA genyen ki disponib ak mezi ki pwopoze epi FEMA ap
finanse, tankou aktivite ki ka afekte pwopriyete istorik, plèn ki
inondab yo ansanm ak marekaj ki gen nan Florida apre siklòn Helene ak
Milton yo. 

FEMA kapab ofri kategori espesifik lojman tanporè nan espas ki prive,
komèsyal oswa gwoup. Anvan li ofri lojman tanporè, FEMA dwe evalye
si mezi an ap gen enpak sou plèn inondab oswa marekaj a 1% chak ane
yo, apre pwosesis ki dekri nan 44 Code of Federal Regulations (CFR) 9.
7(c), detèminasyon kote yo pwopoze mezi an, detèminasyon zòn
inondab lan. Lojman pou yon moun oswa fanmi nan zòn inondab oswa
marekaj a 1% chak ane yo ka otorize sèlman si yo konsidere espas la
se sèl opsyon ki posib epi si li konfòme ak òdonans epi ak
règleman lokal yo.

Depi pa gen okenn lòt opsyon ki posib anplis zòn inondab ki eja
entegre nan kat yo, FEMA kapab enstale Inite Lojman Tanporè Mobil
(Transportable Temporary Housing Units, TTHU) nan Zòn Espesyal ki gen
Danje Inondasyon yo (Special Flood Hazard Areas, SFHA) nan CITRUS,
COLUMBIA, DIXIE, HAMILTON, HERNANDO, LAFAYETTE, LEVY, MADISON,
OKEECHOBEE, PASCO, KONTE PINELLAS, SUWANNEE ak TAYLOR pou pi byen ede
sivivan inondasyon siklòn Helene ak Milton yo.

Lalwa egzije FEMA pou l bay yon avi piblik sou entansyon li genyen pou
l bay asistans federal ak sibvansyon atravè pwogram Asistans Piblik
ajans lan.

Avi piblik sa yo ap la antanke premye avi pou katastwòf la nan lide
pou abòde entansyon FEMA genyen pou li ranbouse aplikan ki elijib yo
pou depans reparasyon oswa ranplasman enstalasyon ki andomaje poutèt
siklòn Helene ak Milton yo. 

Avi piblik pou Siklòn Milton nan afiche sou paj wèb katastwòf FEMA
an nan fema.gov/disaster/4834/notices
[https://www.fema.gov/disaster/4834/notices]        epi sou paj
wèb Divizyon Jesyon Ijans Florida an nan
floridadisaster.org/public-notices/
[https://www.floridadisaster.org/public-notices/].

Avi piblik pou Siklòn Helene lan afiche sou paj wèb katastwòf FEMA
an nan fema.gov/disaster/4828/notices
[https://www.fema.gov/disaster/4828/notices] epi sou paj wèb Divizyon
Jesyon Ijans Florida an nan floridadisaster.org/public-notices/
[https://www.floridadisaster.org/public-notices/].

Moun ki enterese ka jwenn enfòmasyon sou aksyon sa yo oswa yon pwojè
espesifik yo ka ekri FEMA Region 4, 3005 Chamblee-Tucker Road,
Atlanta, Georgia 30341 oswa nan yon imèl y ap voye bay
FEMA-R4EHP@fema.dhs.gov. Yo ta dwe voye kòmantè yo alekri ak yon liy
sijè ki ekri “DR 4834-FL EHAD” nan adrès ki anwo a nan espas 30
jou apre dat avi sa a. 

Pou w ka jwenn dènye enfòmasyon sou rekiperasyon eta Florida apre
Siklòn Milton nan, ale sou fema.gov/disaster/4834
[https://www.fema.gov/disaster/4834]. Pou w ka jwenn dènye
enfòmasyon sou rekiperasyon apre Siklòn Helene lan, vizite
fema.gov/disaster/4828 [https://www.fema.gov/disaster/4828]. Swiv FEMA
sou X nan x.com/femaregion4 [https://x.com/femaregion4] oswa sou
Facebook sou facebook.com/fema [http://www.facebook.com/fema].

###

_Misyon FEMA se ede moun anvan, pandan epi apre katastwòf yo._