KIJAN POU W APLIKE POU ASISTANS FEMA APRE SIKLÒN IDALIA
[https://www.fema.gov/ht/press-release/20230907/renters-can-apply-fema-assistance-after-hurricane-idalia]


Release Date: 
September 7, 2023 

TALLAHASSEE – Lokatè nan 14 konte Florida yo ki fè pèt lakoz
Siklòn Idalia kapab aplike pou asistans katastwòf federal. Konte sa
yo se Citrus, Columbia, Dixie, Gilchrist, Hamilton, Hernando,
Jefferson, Lafayette, Levy, Madison, Pasco, Pinellas, Suwannee ak
Taylor yo .

Asistans Endividyèl FEMA disponib pou lokatè, tankou etidyan. Gen
sibvansyon federal ki ka ede peye pou lojman tanporèman. Sibvansyon
pou kòmanse ak lwaye an se pou yon (1) mwa oswa de (2) mwa epi yo
kapab revize l pou asistans alavni. 

Lokatè yo kapab kalifye tou pou yon sibvansyon gras ak pwogram
Asistans pou Lòt Bezwen FEMA pou pèt pwopriyete pèsonèl ki
enpòtan yo ki pa gen asirans pou yo ak lòt depans pou katastwòf yo.
Yo ka gen ladan yo pwopriyete pèsonèl, transpòtasyon, demenajman ak
estokaj, medikal ak dan, asistans fineray, asistans gadri, lòt bagay
ki enpòtan.

Pou aplike nan FEMA rele nan 800-621-3362, vizite yon sant Reparasyon
Katastwòf, ale sou sit entènèt DisasterAssistance.gov
[http://www.disasterassistance.gov/] oswa itilize FEMA App
[https://www.fema.gov/about/news-multimedia/mobile-app-text-messages].
Si w ap itilize yon sèvis relè, tankou sèvis relè videyo (Video
Relay Service, VRS), sèvis telefòn avèk soutit oswa lòt sèvis,
bay FEMA nimewo sèvis sa a. Dat limit pou aplikasyon yo se 30, Oktòb
2023

Pou yon videyo aksesib pou asistans lokasyon, ale sou Lokatè yo ka
kalifye pou èd federal [https://youtu.be/yAHSPK_K7tg].

Pou dènye enfòmasyon sou rekiperasyon Florida apre Siklòn Idalia,
ale sou floridadisaster.org/info
[http://www.floridadisaster.org/updates/] ak fema.gov/disaster/4734
[https://www.fema.gov/disaster/4734]. Suiv FEMA sou X, ansyen non
Twitter sou twitter.com/femaregion4 [https://twitter.com/femaregion4]
ak sou facebook.com/fema [https://www.facebook.com/fema].