COV LUS NUG THIAB COV LUS TEB: KEV PAB NTAWM TSOOM FWV TEB CHAWS [https://www.fema.gov/hmn/fact-sheet/questions-and-answers-federal-assistance] Release Date: Aug 30, 2024 FEMA Lub Khoos Kas Kev Pab Rau Cov Neeg thiab Cov Yim Neeg (IHP) yuav pab cov neeg dim txoj sia los ntawm kev puas tsuaj uas muaj cai tau txais kev pab yuav pib kev txhim kho los ntawm kev muab cov pob nyiaj pab txog cov kev xav tau yooj yim, tseem ceeb. Tej zaum kuj yuav muaj lwm hom kev pab txog kev puas tsuaj uas muab los ntawm tsoom fwv thiab. Cov lus teb rau cov nqe lus nug hais txog tus txheej txheem kev pab txog kev puas tsuaj uas muab los ntawm tsoom fwv teb chaws tuaj yeem nrhiav pom tau hauv qab no.  HOM KEV PAB TWG UAS KUV YUAV TAU TXAIS LOS NTAWM FEMA? * FEMA li kev pab txog kev puas tsuaj tau txais kev tsim tawm los txhawb nqa cov kev siv zog txog kev txhim kho. Qhov kev pab uas koj tau txais zoo li yuav tsis duav roos cov nqi tag nrho ntawm kev rov qab los nyob tau hauv koj lub tsev los sis thaj av vaj tse rau qhov zwj ceeb uas yuav zoo li qub ntawd ua ntej yuav muaj qhov kev puas tsuaj. Yog xav pom seb hom kev pab twg yuav muaj rau koj no, mus saib rau hauv phab vev xaib  Nrhiav Kev Pab [https://www.disasterassistance.gov/get-assistance/find-assistance] . KUV THOV RAU FEMA QHOV KEV PAB PUAS TAU YOG TIAS KUV MUAJ KEV TUAV POV HWM LAWM? * Yog. Tej zaum koj yuav tsim nyog tau txais FEMA kev pab cuam txog kev puas tsuaj txawm tias koj muaj ntawv pov hwm lawm los xij, yog li ntawd tsis txhob tos uas yuav thov nrog FEMA li. Txawm li cas los xij, yog tias koj muaj kev tuav pov hwm rau qhov chiv ntawm kev puas tsuaj rau koj lub tsev lawm, koj yuav tsum tau ua ntawv thov nyiaj rov qab nrog koj lub chaw muab kev pab cuam kev tuav pov hwm thiab xa daim ntawv kev them nyiaj rau kev tuav pov hwm los sis tsab ntawv tsis kam lees paub tuaj rau FEMA los txiav txim siab txog koj li kev muaj cai tsim nyog rau qee hom kev pab. Raws li txoj cai lawm, FEMA tsis tuaj yeem muab txiaj ntsig kev pab sib tshooj ntxiv rau cov kev poob uas tau txais kev duav roos los ntawm koj lub chaw tuav pov hwm lawm.  KUV PUAS TUAJ YEEM TAU TXAIS KEV PAB NTAWM TSOOM FWV RAU KEV PUAS TSUAJ RAU KUV LUB TSEV THIB OB? * FEMA qhov kev pab rau kev puas tsuaj muaj kev txwv rau tus neeg ua ntawv thov lub tsev xub thawj xwb, uas yuav yog qhov chaw uas koj nyob ntau tshaj rau lub hlis hauv ib xyoos. Cov tsev thib ob, cov tsev tuaj nyob thaum lub caij so hauj lwm los sis cov tsev uas siv ua chaw xauj rau neeg tuaj nyob thaum lub caij so hauj lwm ntawd yuav tsis tsim nyog tau txais FEMA txoj kev pab cuam. Yog tias koj thov rau Teb Chaws Meskas Fab Tuav Tswj Chaw Lag Luam Me (SBA), tej zaum koj yuav tau txais kev txiav txim siab rau qhov nyiaj qiv uas muaj nyiaj paj qis yog tias lub tsev raug siv los ua lub tsev xauj ncua luv los sis ncua ntev thaib qhov nyiaj khwv tau los ntawm kev xauj raug muab tshaj tawm rau ntawm tus tswv tsev cov ntaub ntawv them nqi se ntawm tsoom fwv teb chaws. Koj kuj tseem yuav raug txiav txim siab yog tias lub tsev thib ob tau nyob, tsis muaj nqi xauj tsev, los ntawm tsev neeg txuas ntxiv. YOG TIAS KUV TAU TXAIS KEV PAB TXOG KEV TSIS MUAJ CHAW NYOB TAB SIS KUV TSEEM XAV TAU KEV PAB NROG VAJ TSE CHAW NYOB IB NYUAG NTU NE, KUV HO YUAV TAU UA DAB TSI THIAB? * Hu rau FEMA tus xov tooj muab kev pab ntawm 800-621-3362 los sis nkag mus saib hauv lub chaw muab kev pab cuam qhib kev txhim kho los thov txog FEMA qhov kev pab txog kev xauj tsev.  KUV PUAS YUAV TSUM TAU MUAJ KEV TSHUAJ NTSUAM LUB TSEV KOM THIAJ LI TAU FEMA QHOV KEV PAB?  * Yog. Yog tias koj tau tshaj qhia txog kev puas tsuaj rau lub tsev rau koj qhov chaw nyob xub thawj lawm, tej zaum yuav tsum tau muaj kev tshuaj ntsuam vaj tse ntawm FEMA. FEMA cov kws tshuaj ntsuam yuav hu tuaj ntawm tus naj npawb xov tooj uas tsis tshwm npe thiab yuav siv zog ntau zaus los nrog koj sib tham txog koj li kev puas tsuaj uas tshwm sim los ntawm kev puas tsuaj. FEMA tus neeg ua hauj lwm yeej yuav muaj daim paib cim thawj qhia txog tus neeg ua hauj lwm tas li thiab koj yuav thov saib daim I.D. tau tas li.  KUV PUAS YUAV TSUM TAU THEM TUS NQI KOM TAU TXAIS KEV PAB NROG KUV DAIM NTAWV THOV KEV PAB NTAWM TSOOM FWV TEB CHAWS? * Tsis tas them kiag li. FEMA thiab SBA tuaj yeem pab koj nrhiav tus txheej txheem kev pab, thiab lawv yuav TSIS nug txog nyiaj thiab TSIS xav tau kev them nyiaj hauv ib hom twg li. Yog tias ib tug neeg twg xav tau kev them nyiaj los pab koj ua koj daim ntawv thov kev pab ntawm tsoom fwv teb chaws no, saib zoo li yuav yog kev ntxias noj ntxias haus xwb. Tshaj qhia txog qhov ntawd mus rau koj cov chaw hauj lwm muaj cai hauv cheeb tsam zej zog kiag tam sim ntawd.  FEMA COV POB NYIAJ PAB PUAS YUAV CUAM TSHUAM RAU KUV COV TXIAJ NTSIG UAS TAU LOS NTAWM XAUS SAUS, COV NQI SE, COV NTAWV MUS NQA KHOOM NOJ, LOS SIS MEDICAID?  * Tsis muaj li. FEMA qhov kev pab tsis muaj nqi se thiab tsis cuam tshuam rau cov txiaj ntsig kev pab ntawm Xaus Saus, Medicare, Medicaid, Lub Khoos Kas Kev Pab Zaub Mov Ntxiv (SNAP) los sis lwm yam kev pab rau kev noj qab nyob zoo ntawm tsoom fwv thiab cov khoos kas uas muaj cai tau txais kev pab. KUV YOG IB TUG NEEG UA LIAJ UA TEB UAS TAU NTSIB KEV POOB LOS NTAWM KEV PUAS TSUAJ TXIJ LI LUB RAU HLIS NTUJ TIM 16 – LUB XYA HLI NTUJ TIM 4 COV NAG XOB NAG CUA THIAB DEJ NYAB—KUV PUAS MUAJ CAI TSIM NYOG TAU KEV PAB LOS NTAWM TSOOM FWV TEB CHAWS? * Cov neeg ua liaj ua teb yuav muaj cai tsim nyog rau kev pab ntawm FEMA los pab nrog cov kev xav tau loj heev, kev them rau qhov chaw yuav mus nyob ib ntus, cov nqi kev kho tsev, thiab lwm cov kev xav tau uas tsis muaj kev tuav pov hwm. SBA kuj muaj cov nyiaj txais uas muaj nyiaj paj qis rau cov neeg ua liaj ua teb uas muaj cai tau txais kev pab los rov tsim los sis kho lawv lub tsev xub thawj thaib hloov pauv tej vaj tse ntiag tug uas piam los sis puas tsuaj.  * Thaum muaj kev tawm tsam ntawm cov kev puas tsuaj los ntawm hav zoov hav tsuag, Teb Chaws Meskas Lub Thawj Fab Hauj Lwm Saib Xyuas Kev Ua Liaj Ua Teb (USDA) muab kev pab fab tev niv thiab fab nyiaj txiag los pab cov neeg tsim khoom liaj teb rov txhim kho tau los ntawm cov ntuj qhuav, cov cua daj cua dub tornado, cov nag loj dhau, cov nag xob nag cua caij ntuj no thiab ntau yam ntxiv. USDA Lu Chaw Hauj Lwm Saib Xyuas Kev Pab Cuam Liaj Teb (FSA) cov thawj tuav tswj FSA Cov Khoos Kas Kev Pab Txog Kev Puas Tsuaj [https://www.fsa.usda.gov/programs-and-services/disaster-assistance-program/index] los pab cov neeg tsim khoom liaj teb rov txhim kho los ntawm cov kev puas tsuaj uas muaj cai tau txais kev pab los ntawm cov kev puas tsuaj hav zoov hav tsuag suavn rog ntuj qhuav, cua daj cua dub tornado, dej nyab thiab ntau yam ntxiv. FSA Lub Khoos Kas Nyiaj Txais Xwm Txheej Ceev [https://www.fsa.usda.gov/programs-and-services/farm-loan-programs/emergency-farm-loans/index] muab cov nyiaj txais los pab cov neeg tsim khoom liaj khoom teb rov txhim kho los ntawm cov kev poob peev rau kev tsim khoom thiab lub cev vim rau qhov muaj ntuj qhuav, dej nyab, lwm cov kev puas tsuaj los ntawm hav zoov hav tsuag, los sis kev kaw cia. Peb xav kom cov neeg tsim khoom liaj teb tiv tauj lawv lub USDA Lub Chaw Muab Kev Pab Cuam [https://offices.sc.egov.usda.gov/locator/app] los sib tham txog lub khoos kas thiab cov kev xaiv txog nyiaj txais thiab los nrhiav kom paub seb xav tau dab tsi rau kev muaj cai tau kev pab thiab txoj hau kev ua ntawv thov kev pab. YOG TIAS KUV TSIS YOG TEB CHAWS MESKAS PEJ XEEM, LWM TUS NEEG NYOB HAUV KUV YIM NEEG PUAS TUAJ YEEM UA NTAWV THOV NROG FEMA TAU?  * Tau. yim neeg tseem yuav thov tau thiab tau txais kev txiav txim siab rau kev pab yog tias: lwm tus tswv cuab uas yog neeg laus ntawm koj yim neeg yog Teb Chaws Meskas tus pej xeem, teb chaws uas tsis yog pej xeem los sis tsis yog pej xeem uas muaj qhov tsim nyog, LOS SIS yog tias tus me nyuam yaus, uas nyob hauv tib yim neeg li tus niam thiab txiv los sis tus neeg saib xyuas me yuam, yog Teb Chaws Meskas li pej xeem, teb chaws uas tsis yog pej xeem, los sis neeg txawv teb chaws uas tsim nyog tau kev pab. Niam thiab txiv los sis tus neeg saib xyuas me nyuam yaus yuav thov tau sawv cev rau ntawm tus me nyuam. Kawm paub ntau ntxiv los ntawm kev nkag mus saib rau hauv Kev Tsim Nyog rau FEMA Qhov Kev Pab Txog Kev Puas Tsuaj: Cov Cai Hais Txog Qhov Txheej Xwm Kev Ua Pej Xeem thiab Kev Nkag Teb Chaws | FEMA.gov [https://www.fema.gov/assistance/individual/program/citizenship-immigration-status/flyers]. KUV TAU TXAIS IB TSAB NTAWV HAIS TIAS TAM SIM NO KUV TSIS TAU TXAIS KEV POM ZOO RAU FEMA QHOV KEV PAB. QHOV NTAWD PUAS TXHAIS TAU TIAS KUV TSIS CIA SIAB TIAS YUAV TAU KEV PAB LOS NTAWM FEMA LI? * Kuj tsis tas yuav yog li ntawd. Nws yog ib qho tseem ceeb kom nyeem FEMA tsab ntawv kev txiav txim siab kom zoo. Tej zaum koj tsuas yuav tsum tau muab ntaub ntawv qhia paub ntxiv—xws li koj daim ntawv them nqi tuav pov hwm los sis kev tsis lees paub—los sis lwm cov ntaub ntawv los pab ua kom koj daim ntawv thov ua tau mus ntxiv. Koj tuaj yeem nkag mus saib tau hauv lub chaw txhim kho [http://www.fema.gov/drc] los sis hu tau rau FEMA tus xov tooj muab kev pab tas li yog tias koj xav tau kev pab nrog kev ua tus txheej txheem.  FEMA TSIS MUAB NYIAJ RAU KUV TXAUS. YUAV UA LI CAS YOG TIAS KUV TSIS TUAJ YEEM ROV TSIM TAU KUV LUB TSEV KOM ZOO IB YAM LI THAUM UB TAU? * Yog tias koj tsis pom zoo nrog FEMA qhov kev txiav txim siab, tej zaum koj yuav thov kom rov txiav txim dua tau tsis pub dhau 60 hnub txij li hnub tim nyob hauv tsab ntawv kev txiav txim siab. Txhawm rau ua kom tau raws li cov kev xav tau ntawm cov neeg dim txoj sia los ntawm kev puas tsuaj kom ntau ntxiv, FEMA koom tes nrog lwm cov chaw ua hauj lwm ntawm tsoom fwv thiab tsis yog tsoom fwv. Piv txwv li, SBA muab cov nyiaj txais pab rau kev puas tsuaj uas muaj nyiaj paj qis rau cov tswv tsev, cov neeg xauj tsev thiab cov tswv lag luam hauv cheeb tsam uas muaj kev puas tsuaj uas tau tshaj tawm no. SBA cov nyiaj txais kev puas tsuaj npog tag nrho cov kev poob uas tsis tau them los ntawm kev tuav pov hwm, FEMA cov nyiaj pab los yog lwm yam kev pab. Kawm paub ntau ntxiv ntawm www.sba.gov/disaster [http://www.sba.gov/disaster]. KUV XAV THOV ROV TXIAV TXIM DUA TAU LI CAS? * Yuav tsum muab cov ntawv thov rov txiav txim dua xa tuaj tsis pub dhau 60 hnub txij hnub tim nyob rau hauv tsab ntawv kev txiav txim siab. Koj tsab ntawv ntawm FEMA yuav muab ntaub ntawv qhia paub ntxiv txog yam uas yuav tsum tau muab yog tias koj xaiv thov rov txiav txim dua txog FEMA qhov kev txiav txim siab. Nrog koj tsab ntawv txiav txim, FEMA kuj yuav muab ib Daim Foos Thov Kev Rov Txiav Txim Dua uas yuav muab siv los pab muab cov ntaub ntawv qhia paub ntxiv. Koj li kev thov rov txiav txim dua yuav raug muab xa raws kev xa fev los sis kev xa ntawv, ntawm tus kheej hauv online yog tias koj muaj FEMA tus as khauj hauv online. Yog xav teeb FEMA tus as khauj hauv online, mus saib hauv DisasterAssistance.gov [http://www.disasterassistance.gov], nias rau “Thov Hauv Online” thiab ua raws li cov lus qhia.  * RAWS HAUV CHAW XA NTAWV: FEMA National Processing Service Center, P. O. Box 10055, Hyattsville, MD 20782-7055 * RAWS HAUV XOV TOOJ FEJ NTAWV: 800-827-8112, Xa ntxiv rau: FEMA * NTAWM TUS KHEEJ: Nkag mus ntsib hauv Lub Chaw Muab Kev Pab Cuam Kev Txhim Kho Kev Puas Tsuaj los xa koj daim ntawv thov rov txiav txim dua. Nrhiav lub chaw muab kev pab cuam tau ntawm no: fema.gov/DRC [http://www.fema.gov/drc].