COV NEEG DIM NTAWM QHOV TUAG LOS UAS NYOB HAUV MINNESOTA: TIV TOJ RAU
FEMA
[https://www.fema.gov/hmn/press-release/20240823/minnesota-survivors-stay-touch-fema]


Release Date: 
Lub Yim Hlis Ntuj 23, 2024 

ST. PAUL – Cov neeg nyob hauv Minnesota uas tau thov kev pab ntawm
tsoom fwv yuav tsum tau soj qab xyuas nrog FEMA thiab muab xov xwm los
sis cov ntaub ntawv qhia ntxiv los txhawb rau lawv daim ntawv thov kom
muab tshuaj xyuas mus rau yav tom ntej. Hos cov neeg uas tseem xav tau
kev pab saib xyuas ntxiv tom qab cov nag xob nag cua thiab dej nyab
tom qab Hnub Tim 16 Lub Rau Hli – Hnub Tim 4 Lub Xya Hli uas tseem
tsis tau thov kev pab, ces tseem muaj sij hawm thov tau.

COV NEEG THOV UAS MUAJ ISSASLAS

Yog tias koj thov FEMA thiab hais qhia tias koj muaj issaslas rau qhov
kev puas tsuaj rau koj lub tsev lawm, koj yuav tsum tau xa tsab ntawv
them nqi issaslas los sis tsab ntawv tsis pom zoo them nqi mus rau
FEMA. FEMA tsis tuaj yeem yuav muab cov txiaj ntsig kev pab los ntxiv
tshooj rau cov kev puas tsuaj uas tau txais kev duav roos los ntawm
kev tuav pov hwm tau lawm. 

COV NEEG THOV UAS THOV HAIS KOM ROV QAB TXIAV TXIM DUA TXOG QHOV TXIAV
TXIM THAUM CHIV THAWJ NTAWM FEMA

Ua tib zoo nyeem koj tsab ntawv ntawm FEMA: tsab ntawv no yuav qhia
tej ntaub ntawv ntxiv txog yam uas yuav tau xa yog tias koj xaiv thov
hais kom rov qab txiav txim dua rau FEMA qhov kev txiav txim siab. Koj
muaj sij hawm 60 hnub suav txij hnub uas koj tau tsab ntawv no mus los
thov.

Koj muaj peev xwm xa cov ntaub ntawv no mus rau FEMA tau ntau txoj hau
kev. 

	* RAWS HAUV ONLINE: Siv koj tus as qhauj hauv online ntawm FEMA. Yuav
teeb tsa FEMA tus as qhauj hauv online, mus saib DisasterAssistance.
gov, nyem rau ntawm "Thov Online" thiab ua raws li cov lus qhia. 
	* RAWS HAUV CHAW XA NTAWV: FEMA National Processing Service Center,
P. O. Box 10055, Hyattsville, MD 20782-7055
	* RAWS HAUV XOV TOOJ FEJ NTAWV: 800-827-8112, Xa ntxiv rau: FEMA
	* TUS NEEG MUS XA KIAG: Mus ntsib ib Lub Chaw Saib Xyuas Kev Puas
Tsuaj. Nrhiav ib lub chaw rau ntawm no: fema. gov/DRC
[http://www.fema.gov/drc].

CEEB TOOM: HNUB THOV UAS KAWG YOG HNUB TIM 27 LUB CUAJ HLI, 2024

Rau cov neeg uas tsis tau thov thiab xav tau kev pab saib xyuas ntxiv,
ces pib qhov txheej txheem thov rau hauv online rau ntawm
DisasterAssistance.gov [http://www.disasterassistance.gov], rub FEMA
qhov twj siv app los nruab rau hauv xov tooj ntawm tes
[https://www.fema.gov/about/news-multimedia/mobile-app-text-messages]
los sis hu rau FEMA Tus Xov Tooj Hu Sai rau ntawm 800-621-3362. Yog
tias koj siv cov kev pab cuam tshaj tawm vis dis aus rau kev kaw lus
los yog lwm cov kev pab cuam hauv xov tooj, muab koj tus lej nrog rau
FEMA qhov kev pab cuam ntawd.

NCO QAB NTSOOV THOV UA NTEJ TXOG HNUB KAWG HNUB TIM 27, LUB CUAJ HLI.
Yog xav paub ntau ntxiv thiab hais txog txoj hauj lwm pab txhim kho
kev puas tsuaj kom rov qab zoo los li qub hauv Xeev Minnesota ces nkag
mus saib hauv www.fema.gov/disaster/4797
[http://www.fema.gov/disaster/4797].