YUAV SIV KOJ COV NYIAJ FEMA LI CAS [https://www.fema.gov/hmn/fact-sheet/how-use-your-fema-money] Release Date: Aug 7, 2024 Thaum cov neeg tsim nyog uas nyob rau hauv lub xeev Arkansas uas yog cov tswv tsev thiab cov xauj tsev lawv pib txais nyiaj rov zoo ntawm kev puas tsuaj ntawm FEMA kom them nqi tsev nyob tau ib ntus, nqi kho tsev, los yog lwm hom kev pab mas, yeej tseem ceeb rau yus soj ntsuam yus txoj kev siv nyiaj. Yuav tsum siv cov nyiaj raws li FEMA qhia rau hauv tsab ntawv uas xa tuaj nkaus xwb. COV TSWV YIM PAB Cov neeg tso npe uas txais kev pom zoo lawm nyob rau hauv cov cheeb tsam BAXTER, BENTON, BOONE, FULTON, GREENE, MADISON, MARION LOS YOG RANDOLPH yuav txais ib tsab ntawv ntawm FEMA uas qhia ntaub ntawv ntxiv txog tej hom kev pab uas lawv tsim nyog txais, thiab pes tsawg nyiaj uas lawv yuav txais rau lawv tej kev toob kas. Tej kev toob kas no suav nrog: * Kev kho tsev (piv xam li kho lub tsev lub hauv pas, cov kav dej, cov kav dej qias neeg). Cov tswv tsev uas txais kev pom zoo rau FEMA lub khoos kas Pab Kho Tsev los tej zaum yuav txais tau nyiaj ntxiv kom txhim kho lub tsev kom haj yam muaj zog tiv thaiv kev puas tsuaj yav tom ntej. Tsuas yog pub nyiaj rau cov tswv tsev lub tsev nyob ua ntej ntais nkaus xwb. Kev txhim kho lub tsev kom muaj zog tuaj no suav nrog kev kho ruv tsev kom thev tau cua hlob thiab kom tiv thaiv kom dej txhob nkag rau haud. * Kev pab them nqi tsev nyob tau ib ntus. * Kev kho los yog theej lub tsheb uas raug puas tsuaj lawm. * Cov nqi kho mob rau tej kev raug mob ntawm kev puas tsuaj uas tsis muaj koom haum tuav pov hwm duav nqi. * Cov nqi zov me nyuam uas kim tuaj. * Kho los yog theej cov cuab yeej ua hauj lwm. * Cov khoom tseem ceeb rau kev kawm ntawv (piv xam li lub koos pis tawj, cov ntawv kawm ntawv, cov khoom siv kawm ntawv). * Cov nqi tsiv tsev thiab nqi khaws khoom cia uas yuav tsum them vim raug cov cua daj cua dub thiab khaub zeeb cua thiab lwm yam nqi ntawm kev puas tsuaj. Koj siv tau cov nyiaj uas koj txais ntawm FEMA rau lub hom phiaj uas FEMA muab qhov nyiaj ntawd rau xwb. Piv xam li, cov nyiaj them nqi kho tsev los yuav tsum siv kom kho koj lub tsev kom nyab xeeb, huv, thiab ruaj khov nkaus xwb. Siv tsis tau cov Nyiaj Kho Tsev no rau tej nqi ua neej nyob xws li nqi roj thiab fai fab, zaub mov, nqi kho mob los nqi kho hniav, los yog lwm yam nqi uas tsis yog txog kev kho koj lub tsev. Txawm li ntawd los, FEMA muaj lwm yam kev pab uas siv tau rau cov nqi ntawd.  Cov nqi mus ncig lub ntiaj teb, cov nqi lom zem, los yog lwm yam nqi uas tsis yog tim raug kev puas tsuaj los tag nrho tej no tsis tsim nyog siv FEMA cov nyiaj los them rau.    Yog hais tias koj siv FEMA cov nyiaj yuam kev, ces tej zaum koj yuav tsum them rov qab cov nyiaj uas koj txais ntawd thiab tej zaum koj yuav tsis tsim nyog txais kev pab nyiaj yav tom ntej. Yog li ntawd, siv cov nyiaj rau lub hom phiaj uas FEMA qhia nkaus xwb, sau ntawv pov thawj txog txoj kev uas koj siv cov nyiaj ntawd, thiab khaws cia tag nrho cov ntawv ua pov thawj txog tus nqi them tau peb xyoos. Yog koj muaj lus nug txog txoj kev uas koj siv tau FEMA cov nyiaj pab no, ces koj hu mus tau rau FEMA Tus Xov Tooj Pab rau ntawm 800-621-3362. Muaj kev pab hauv ntau yam lus. Tus Xov Tooj Pab no qhib txhua hnub thaum 6 MOO SAWV NTXOV MUS RAU 11 MOO TSAUS NTUJ CT, los yog koj mus ntsib tau ib tug kws sawv cev rau FEMA nyob tom ib Qho Chaw Rov Zoo Ntawm Kev Puas Tsuaj. Kom thiaj nrhiav ib qho chaw ze koj, mus saib: DRC Locator [https://egateway.fema.gov/ESF6/DRCLocator],  Kom tau cov ntaub ntawv nyuam qhuav luam tawm tshaj mus saib fema.gov/hmn/disaster/4788 [https://www.fema.gov/hmn/disaster/4788]. Raws lub as khauj FEMA Region 6 nyob rau hauv X nyob tom X.com/FEMARegion6 [https://twitter.com/FEMARegion6] los yog nyob hauv Facebook tom facebook.com/FEMARegion6/ [https://www.facebook.com/FEMARegion6/].