TEJ ZAUM MUAJ FEMA KEV PAB LOS POV HWM TEJ YAM XIAM [https://www.fema.gov/hmn/fact-sheet/fema-assistance-may-be-available-cover-underinsured-losses] Release Date: Aug 2, 2024 Yog koj twb tso npe rau FEMA kev pab rov zoo ntawm kev puas tsuaj thiab koj kuj muaj kev tuav pov hwm los yog kev tuav pov hwm rau cov xauj tsev, ces tej zaum koj tseem yuav tsim nyog txais nyiaj tseem fwv ntxiv los duav cov nqi uas lub koom haum tuav pov hwm yuav tsis duav.  Yog koj nyob rau hauv lub cheeb tsam Baxter, Benton, Boone, Fulton, Greene, Madison, Marion los sis Randolph, ces tej zaum FEMA pab tau koj yog tias lub koom haum tuav pov hwm pub nyiaj tsis txaus rau koj tom qab raug Lub Tsib Hlis Ntuj Tim 24-27 cov cua daj cua dub, los sis yog koj qhov thov nyiaj tuav pov hwm raug xyeej lawm. Tej zaum koj kuj txais tau nyiaj pab yog tias koj qhov thov nyiaj tuav pov hwm tau siv ntau dua 30 hnub kom txais lus teb seb puas yuav txais kev pab. Tom qab uas koj twb xa qhov thov nyiaj mus rau koj lub koom haum tuav pov hwm lawm, yuav tsum ua tib zoo xa moo mus rau koj lub koom haum tuav pov hwm kom thiaj txais tag nrho cov ntaub ntawv uas FEMA xav tau ntawm koj. Koj thov tau kom txais: * IB TSAB NTAWV XYEEJ: Puav pheej tias lub koom haum tuav pov hwm yuav tsis pab koj hlo li. * IB TSAB NTAWV QHIA TXOG KEV PAB YUAV TXAIS: Ib tsab ntawv uas yuav qhia seb lub koom haum tuav pov hwm yuav pab rau qhov twg. * IB TSAB NTAWV LAUG SIJ HAWM: Puav pheej tias lub koom haum tuav pov hwm tseem tsis tau txiav txim siab txog koj qhov thov nyiaj 30 tawm hnub txij thaum koj xub thov nyiaj. Yog koj ntseeg hais tias koj yuav txais kev pab ntawm lub koom haum tuav pov hwm - los yog koj twb txais lawm - thiab koj tseem toob kas FEMA kev pab nyiaj rau tej nqi uas lub koom haum tuav pov hwm yuav tsis duav los yog yuav duav tsis tag, ces yeej tseem ceeb kom nco qab tej no: * Yog koj tsab cai tuav pov hwm yuav tsis duav cov nqi nyob los yog  qhov uas koj nyob tsis taus rau hauv koj lub tsev, ces tej zaum koj yuav tsim nyog txais FEMA kev pab nrhiav tsev nyob tau ib ntus. Cov nyiaj tseem fwv pab no los tsis tas them se rau. FEMA tsab ntawv txiav txim siab yuav qhia koj seb yuav siv cov nyiaj rov zoo ntawm kev puas tsuaj no li cas. FEMA yaum tas zog kom koj siv cov nyiaj pab no rau tej nqi rov zoo ntawm kev puas tsuaj nkaus xwb. Khaws cia tag nrho cov ntawv pov thawj txog tus nqi them tau peb xyoos kom qhia seb koj tau siv cov nyiaj li cas thiab rau qhov twg. * Ib qho nyiaj twg uas koj txais ntawm FEMA vim koj lub koom haum tuav pov hwm siv sij hawm ntev dhau kom txiav txim siab seb puas yuav pub nyiaj pab rau koj ces, cov nyiaj FEMA no tsuas yog nyiaj pab ua ntej ntais xwb. Yog tias cov nyiaj uas FEMA muab pub rau koj twb yog tib co khoom uas koj lub koom haum tuav pov hwm yuav pab duav ces koj yuav tsum them tag nrho FEMA cov nyiaj pab rov qab rau lawv thaum koj txais koj cov nyiaj tuav pov hwm lawm. * Kev pom zoo rau tseem fwv kev pab los nyias qhov tso npe rau FEMA kev pab yuav txais nyias nqe lus teb, es nyob ntawm seb tus neeg tso npe muab ntaub ntawv twg rau FEMA thaum tso npe. Koj muaj 12 lub hli txij thaum hnub uas koj tso npe rau FEMA kev pab kom thiaj xa lub koom haum tuav pov hwm tsab ntawv qhia txog kev pab yuav txais los yog tsab ntawv xyeej mus rau FEMA rau lawv tshaj xyuas. Koj ntxiv tau cov ntaub ntawv tuav pov hwm rau koj lub as khauj nyob ntawm DisasterAssistance.gov [http://www.disasterassistance.gov/]. Dau li ntawd koj kuj xa tau fej mus rau FEMA rau ntawm 800- 827-8112 los yog xa tsab ntawv mus rau: FEMA, P.O. BOX 10055, HYATTSVILLE, MD 20782. Kom thiaj tso npe rau FEMA kev pab rov zoo ntawm kev puas tsuaj, hu mus rau 800-621-3362, mus saib DisasterAssistance.gov [https://www.disasterassistance.gov/], muab qhov FEMA App [https://www.fema.gov/about/news-multimedia/mobile-products] txuas rau lub xov tooj los yog mus xyuas ib Qho Chaw Rov Zoo Ntawm Kev Puas Tsuaj nyob tom  NORTHWEST ARKANSAS COMMUNITY COLLEGE’s SHEWMAKER CENTER FOR WORKFORCE TECHNOLOGIES (Lub Tsev 15) tom 1000 SE Eagle Way, ROOM B103. Tus xov tooj qhib txhua hnub thaum 6 moo sawv ntxov mus rau 11 moo tsaus ntuj, ET, thiab muaj kev pab hauv ntau yam lus. Yog koj siv ib txoj kev pab cuam tham xov tooj xws li lub cuab yeej kaw duab thaum tham lus, lub cuab yeej sau ntawv thaum tham lus, los yog lwm yam kev pab cuam, ces muab koj tus lej rau txoj kev pab cuam ntawd pub rau FEMA. Hnub kawg tso npe rau kev pab yog Lub Yim Hli Ntuj Tim 28, 2024. Yog hais tias koj toob kas kev pab twg los xav tau ib tug kws txhais lus pab piav tes, thov hu mus rau FEMA Tus Xov Tooj Rau Neeg Cov Cai (Civil Rights Resource Line): 833-285-7448 (nyem 2 rau Lus Mev). Tus xov tooj no qhib thaum Hnub Monday-Hnub Friday 6 moo sawv ntxov txog 4:30 tsaus ntuj CT. Kom tau cov ntaub ntawv nyuam qhuav luam tawm tshaj mus saib  [https://www.fema.gov/disaster/4788]fema.gov/disaster/4788 [https://www.fema.gov/hmn/disaster/4788]. Raws lub as khauj FEMA Region 6 nyob rau hauv X nyob tom X.com/FEMARegion6 [https://twitter.com/FEMARegion6] los yog nyob hauv Facebook tom facebook.com/FEMARegion6/ [https://www.facebook.com/FEMARegion6/].