FEMA QHOV NYIAJ PAB RAU COV NEEG ARKANSAS TWB PUB NTAU TSHAJ $5 LAB
NYIAJ LAWM
[https://www.fema.gov/hmn/press-release/20240708/fema-assistance-arkansans-tops-5-million]


Release Date: 
Lub Xya Hlis Ntuj 8, 2024 

LITTLE ROCK, ARK. – Hauv ib lub hli tawm, ntau dua 5,250 tus neeg
Arkansas tau tso npe rau FEMA kev pab tom qab lawv raug cov cua daj
cua dub, cua hlob, khaub zeeg cua, thiab dej los nyab pib thaum Lub
Tsib Hlis Ntuj Tim 24-27, 2024, thiab lawv twb txais kev pom zoo txais
nyiaj es muab suav tag nrho twb yog ntau tshaj $5 lab nyiaj kom pab
lawv rov zoo.

Kom thiaj paub tseeb tias tag nrho cov neeg dim uas nyob rau hauv cov
cheeb tsam Baxter, Benton, Boone, Fulton, Greene, Madison,
Marion thiab Randolph muaj sij hawm tso npe rau tseem fwv kev pab,
thiab vim lub xeev tau thov, FEMA tau hloov hnub kawg tso npe rau kev
pab mus rau Lub Yim Hli Ntuj Tim 28.

Siv tau FEMA kev pab nyiaj rau tib neeg uas tau raug ntawm cov cua daj
cua dub kom them nqi xauj tsev, tsev nyob tau ib ntus, kho tsev, theej
cov teej tug uas raug lawm thiab lwm yam kev toob kas uas lub koom
haum tuav pov hwm yuav tsis duav. Cov nyiaj FEMA no tsis tas them rov
qab. Cov nyiaj FEMA no tsis tas them se rau thiab kuj yuav tsis raug
koj qhov tsim nyog txais Xaus Saum, Medicaid, los yog lwm yam txiaj
ntsig ntawm tseem fwv.

Muaj ob peb txoj kev uas koj thiaj tso npe tau rau FEMA kev pab nyiaj:
mus xyuas Ib Qho Chaw Rov Zoo Ntawm Kev Puas Tsuaj (mus saib
fema.gov/drc [http://fema.gov/drc] kom nrhiav ib qho uas tseem qhib),
hu xov tooj mus dawb rau ntawm 800-621-3362, mus saib
DisasterAssistance.gov [https://www.disasterassistance.gov/] los yog
muab qhov FEMA App
[https://www.fema.gov/about/news-multimedia/mobile-products] txuas rau
koj lub xov tooj. Tus xov tooj no qhib txhua hnub thaum 6 moo sawv
ntxov mus rau 11 moo tsaus ntuj, thiab muaj kev pab hauv ntau yam lus.
Yog koj siv ib lub cuab yeej kaw duab thaum tham xov tooj, lub cuab
yeej sau ntawv thaum tham xov tooj, los yog lwm yam kev pab, ces muab
koj tus xov tooj rau lub cuab yeej ntawd pub rau FEMA. Rov qab qhia
dua tias hnub kawg tso npe rau kev pab yog Lub Yim Hli Ntuj Tim 28,
2024.

Yog hais tias koj toob kas kev pab twg los xav tau ib tug kws txhais
lus pab piav tes, thov hu mus rau FEMA Tus Xov Tooj Rau Neeg Cov Cai
(Civil Rights Resource Line): 833-285-7448 (nyem 2 rau Lus Mev). Tus
xov tooj no qhib thaum Hnub Monday-Hnub Friday 6 moo sawv ntxov txog
4:30 tsaus ntuj.

Kom tau cov ntaub ntawv nyuam qhuav luam tawm tshaj mus
saib fema.gov/disaster/4788 [https://www.fema.gov/disaster/4788].
Raws lub as khauj FEMA Region 6 nyob rau hauv X nyob
tom X.com/FEMARegion6 [https://twitter.com/FEMARegion6] los yog nyob
hauv Facebook tom facebook.com/FEMARegion6/
[https://www.facebook.com/FEMARegion6/].