FEMA A ATORA $19.4 MILLION REN AR REPWE ALANGATAMALO EKKEWE PAIPEN SEWER REN EPWE ALILIS NGENI EKKEWE IMW ME LON EWE GROUP HOUSING SITE PWAN EKKEWE TELINIMW ME UNUKUN [https://www.fema.gov/chk/press-release/20250121/fema-invests-194-million-sewer-line-extension-support-group-housing-site-and] Release Date: January 17, 2025 Katon Videon won YouTube ikei: Kilohana Sewer Project: Upgrading Infrastructure for a Stronger Community [https://www.youtube.com/watch?v=TchhtGw963s&list=PL720Kw_OojlIM8FHJj9BdjiwvYom-orLO&index=3] LAHAINA, MAUI – Efoch paip ren faniten sewer mi poputa le for faniten ekkewe imw me lon an FEMA Kilohana Temporary Group Housing Site, epwe alilis eoch ngeni Lahaina tori ekkan fansoun repwe feito.  Ren ar repwe awora Kilohana tufichin ar repwe riri ngeni an ewe County of Maui we sewer, ewe U.S. Army Corps of Engineers (USACE) pwan ekkewe ra angang fengen rer ra osupwangen ar repwe angang le alangatamalo ekkewe paipen sewer mi fen nonom ren an ekkei minafo repwe tori ei telenimw. Ekkei paip minafo ra sassa me lon ewe telenimwen Wahikuli nge iei ir ra akkaea pwisin ar cesspool (ika kewe lenien iseis sewer). Lupwen a weseochulo, ewe Kealamoka Fleming Road Sewer Line epwe alilis eoch ngeni ekkewe telinimw me ruu, ewe lenien housing fitifengen me ekkewe imw won Fleming Road pwan Malo Street.  “Sise chok alilis lon ei fansoun iei, nge ekkei angang meinisin sia fori repwe pwan faniten ekkan fansoun repwe feito. Ren ach sipwe apochokula ewe community lon ei fansoun lupwen sia alisir ar repwe recover (ika uta sefan mwirin ei osukosuk),” iei alon ewe FEMA Regional Administrator Robert Fenton.  Iei ewe akkomwen fansoun an ekkei 29 lenien imw me won Fleming Road repwe riri ngeni ei sokkun minafon sewer an ewe mwuu. 19 ekkewe lenien imw ra ta are unusen katalo lupwen a fiis ewe ekkei lon Maui won Aug. 8, 2023. Lupwen ekkewe aramasen lon ei leni ra angang le kousefani leenier, mi wor chommong ekiekin ach sipwe foreochuelo nonomeochun aramas lon lenier kei lon ei fansoun.  Cesspools (ekkewe lenien isoni masowen sewer), usun chok ekkewe mi pin nom lon ewe telinimw lon Wahikuli, mi fen awora och watten allen tufichin feiengaw ngeni ewe environment, ika feiengawen elimengawa pwuun, kolik me fan pwuun, ewe mattaw me chanpwupwu. Alongolong won alon ewe U.S. Environmental Protection Agency (EPA), ewe kolik me fan pwuun ina met a awora orun 95% kolik ngeni imwen aramas me lon Hawai’i.  FEMA a awora $19.4 million lon ew contract le alangatamalo ekkewe paipen sewer ra sassa ngeni ewe Lahaina Wastewater Reclamation Facility, minne a nom fan nemenian ewe mwuun County of Maui, ren ar repwe tumwunueochu pochokunen inis, tumwun seni feingaw pwan apochokunen aramas meinisin lon ei leni.  Seni July 10, 2024, FEMA, USACE, ekkewe chon contract seni Maui, o pwan ewe mwuun County of Maui, ra fen angang fengen le fori o uwalong paipen sewer fan pwuun, langataman a tori 2,500 feet. Ei project mi kinikinitiw lon ekkei kinikin:  * 1,500 feet paipen sewer 8-inis chölapan mi satiw won ewe Fleming Road * 1,000 feet paipen sewer 12-inis chölapan won ewe Malo Street * 28 paipen sewer ra sassa seni fonuen aramas mi fen kar imwer * 11 lenien tolong lon ewe sewer faniten chon angang Kapacheta won ei angangen alangatamalo ewe sewer, ewe EPA pwan ewe mwuun County of Maui ra angang le nengeni sefali o akkota fofforun och minafon sewer lon ekkewe lussunen kinikinin lon ewe telinimwen Wahikuli. Mi chuen fiis angangen outreach faniten ei project fitifengen me fansoun mi mwumwuta an aramas repwe esileto meefier. Ewe EPA ra pwan esilei ngeni ekkana aramas mi wor pwisin fonuer pwe ir mi tongeni tungor pwe epwe fiis angangen chek won ar kewe lenien isies sewer (are cesspool) pwe repwe ionifengeni ekkewe taropwe meinisin ir mi need ren ar repwe etiwa mwumwutan ar repwe kousefal imwer o pwan mwumwutan ar repwe aea ewe cesspool tori fansoun an epwe wesilo angangen ewe minafon sewer.  Lupwen chon lon ekkei telinimw ra kousefal, ir repwe osupwangen ar repwe riri ngeni ewe minafon sewer o men auchea ar repwe angei ekkewe taropwen mwumwuta ar repwe fori ekkei angang seni an ewe mwuu Department of Public Works Development Services Administration (DSA) o resap chuen aea ar kewe cesspool (are lenien iseis sewer) alongolong won ollukun an ewe mwuu we Department of Health. 4LEAF [http://www.4leafinc.com] ina ewe chon contract mi angang le emwitiri ar nengeni me fori toropwen mwumwutan ar repwe kousefanieta leenier lon Lahaina o ir men tongeni alisi aramas lon ei angang. Ewe paipen sewer an ewe mwuu repwe for eta ngeni 2 feet towawelo seni kianin fonuen ewe soufonu iwe ekkewe soufonu ra tongeni angang ren pwisin ar kana chon angangen contract le riri ekkewe pipen sewer seni imwer ngeni ewe paipen mwuu.  Mi wor tichikin ewe angangen kuta ekkei taropwen mwumwuta won an Maui County Disaster Recovery Building Permit website [https://hi-mauicountymapps.civicplus.com/320/DSA-Disaster-Recovery-Building-Permit]. Ren ei project FEMA me chiechier chon angang ra angang fengen le alisi ekkewe chon manaw seni ewe ekkei iei lupwen ra poputa le liwiniti West Maui. Ei angangen aeochuelo nonomeochun aramasen Lahaina ren pochokunen inisir me ar tumwun seni feiengaw epwe alisi ekkei aramas seni ikenai tori ekkan iier repwe feito.  Ren porous minafo mi wor won ekkei anganen alilis mwirin ewe ekkei a fiis won Maui, churi mauicounty.gov [https://www.mauicounty.gov/], mauirecovers.org [https://www.mauirecovers.org/], fema.gov/disaster/4724 [https://www.fema.gov/disaster/4724] pwan Hawaii Wildfires - YouTube [https://www.youtube.com/playlist?list=PL720Kw_OojlIM8FHJj9BdjiwvYom-orLO]. Followini FEMA won social media: @FEMARegion9 [https://twitter.com/femaregion9] pwan facebook.com/fema [http://www.facebook.com/fema]. En mi tongeni kutta porousen allilis mwirin ei fansoun feiengawen kiteter o pwan downloadini taropwen application seni sba.gov/hawaii-wildfires [https://www.sba.gov/hawaii-wildfires].