ANINIS MI KAWOR NGENI ARAMAS MURIN EWE KAR FAN ITEN OSUKOSUKEN NON IMW MI EFEIENGAU [https://www.fema.gov/chk/press-release/20231117/support-available-wildfire-survivors-facing-domestic-violence] Release Date: November 15, 2023 LAHAINA, HAWAIʻI – Koko ngeni ewe nenien anisi osukosuken non imw a wateno seni weiresin eureka a wateno iwe mwoni apwan weiresino mwirin ewe kar, nge kei mi sinenap non pekin an aramas fofor me kei chon anisi aramas mi osukosuk ra apasa pwe mi wor aninis. Ekei chon weweiti foforun aramas ra apasa pwe wewen watenon kokonong a pwopwuta seni ewe kar. A wateno an aramas repwe nom non osukosuk mwirin ewe kar. Osukosuk anapengeni epwe fis nefinien aramas mi kukufengen. Ekoch chon koko ra apasa pwe chon osukosuker ra koon nuno ar nikinik, sokosokun rese kukuna me mwan. Chiechier ika pwunuwer rachok song iwe pwan wateno ar unumi sakau ika mochen kawet fan iten met ir mi osupwangono won mwirin ewe kar. Ekei awewe afeito seni chon kokori ewe Women Helping Women, ew mwichien anisi kewe mi nom non osukosuken non imwer ina an Maui County pekin aninis non osukosuk 24 awa ew ran. Sanoe Kaaihue, emon winiposun Lahaina, ii minapen ei mwich. Women Helping Women mi awora nenien asoso me, seni ekewe chon anisi mi osukosuk, a fori an angangen anisi ren forum tarpwen tumwun me tou seni seni chiechier ika pwunuwer iwe atonongar non neni mi tumwun. Ei mwich mi wor ar sitowa ian chon mi nom non osukosuk mi tongeni eto “kut” met masowen non imwer me uufer nge ese kamo. Kokonong a wateta seni  250 ew maram ngeni 550 mwirin ewe kar non Aug. 8.  Mi chok wewefengen met kei chon kokonong ra nom non. Ekoch mi chupwun mwirin manon ar famine me chiechier. Imw me angang ra tano. Pisek amworono. Famini rese pwosetiw, rachok mwokut seni neni me neni.  “Epwe fetan ngeni epwe sach. Ngawanuchok pwe repwe sach a fisita nge a winino non osukosuk,”anon Kaaihue. Chon kokonong ra apasa pwe ra nom non osukosuken repwene feiengau ika rafen feiengau nge ra kuta ian repwe tumwun ie, anon ei fefin.  An Maui osukosuken nafangawen imw a napono iei mine ekei mi nom non osukosuk ra niwiniti chok nenier kewe ir mi osukosuk ie pwe eseor ian repwe no ie, anon Kaaihue. Ewe Administration ren Strategic Preparedness and Response ra tinato ew teamen sinenap non anisi foforun aramas ngeni Hawaiʻi ar repwe anisi aramas mi osukosuk ren ewe kar. Watetan ei osukosuken non imw won Maui mi chok ekuk ngeni met ra weweiti ren met ir mi kuna ren an aramas eurek me osukosuk, anon Capt. Jonathan White, emon sinenap non an aramas fofor me ewe chon emwenin ewe ASPR’s Office of Community Mitigation and Recovery. “Osukosuken non imw a cheuno pwan ew waten osukosuk non kewe neni.Ewe osukosuken kar a esenipato ekei osukosuk ,” anon White .  An White ei team a serini ukukun 12,000 kei sokun osukosuk mwirin ewe kar. Met ra serene mi pachonong aramas io mi wor ar famine mi mano, tano imwer, me ar angang, ir mi nom non osukosuken non imwer ika ir chon poputani aninisin forsefan mwirin ewe kar.  Mi tepetep met mi efisata watenon eurekin osupwang mine mi esinapato osukosuk mi efeiengau, anon White, emon mi fokun sinenap non pekin anisi neni non osukosuk mi weiweita. Mwan mi tongeni mefi apwangapwang ika r awes me angang me eseor chiwen imwer iwe mi osukosuka non imwer, anon ei mwan. Non kei sokun osukosuk fefin repwe mefi an eseor e etenekir iwe repwe mefi nge eseor epwe tumwunur. Atun osukosuk wate famine rachok nomofengen non neni mi kukun a tongeni forata an osukosuken nefiner epwe weires an epwe kukunuktiw nge epwefen wateno.  “Eseor siwinin om porous ngeni emon chon atawei osukosuken non imw,” anon White.  Chon anisi mi osukosuk non imwer mi wor, ra awora aninis seni ewe Women Helping Women me pwan ekoch anen aninis . Ekei chon anisi ra sinenap me anisi mi osukosuk non imwer ar repwe fori ew ototun epwe wor tumwuneoch me achasefan ika forsefani nefiner Ra eitingenir sokun aninis me ifa usun om kopwe tou seni nefin mi osukosuk.   ANINIS FANITEN KEWE MI NOM NON OSUKOSUKEN NON IMW Ekei e mak fan an Hawaiʻi me national kei prokramen anisi aramas mi nom non osukosuken non famine ika imwer. Non fansoun osukosuk wate ika ren chok kapaseis emon me emon mi tongeni kori ika chunong non ach kei neni. Ika en mi mefi pwe kopwene feiengau ka kori 911. * EWE WOMEN HELPING WOMEN: Ren chon nom Maui mi kuta ngaseno seni pwunuwer kewe mi osukosuker mi kuten nenien asoso, me aninis ren taropwen tumwun me epeti noum seni osukosuk. * Ika ka nom non osukosuk pwan mochen aninis iei, kori ei 24-awa nampa  808-579-9581 * Ika kokori ach office: 808-242-6600 * Ach Email info@whwmaui.net *  REN AN NATIONAL EWE PEKIN OSUKOSUKEN NON IMW: * Eto ikei Domestic Violence Support | National Domestic Violence Hotline (thehotline.org) [https://www.thehotline.org/] * Kori 800-799-7233 * Textini START ngeni 88788  * REN EWEPARENTS AND CHILDREN TOGETHER: mi awora prokram me awora aninis ngeni aramasen won Hawaiʻi mi nom non osukosuken non imw.   * Eto ikei PactHawaii.org [https://pacthawaii.org/our-work/domestic-violence-prevention/]  * Won Maui, kori 808-243-7001 * Ren nenien asoso me 24-awa aninis, kori 808-526-2200 * REN AN MERIKAWEPEKIN MENUN SAMWAU : CDC.gov/violenceprevention [https://www.cdc.gov/violenceprevention/pdf/PH_App_Violence-a.pdf] * EWE PEKIN DOMESTIC VIOLENCE ACTION CENTER (Oʻahu):Chon nom won Oʻahu mikuten ar aninis me forum neur taropwen tumwun : * Kori 808-531-3771 ika 800-690-6200. Text ngeni 605-956-5680 * Eto ikei DomesticViolenceCenter.org [https://DomesticViolenceCenter.org]  * EWE CRISIS COUNSELING (U.S. Department of Health me Human Services): Pekin aiti me kaeo mi monomon mi kawor ngeni aramas mi osukosuk netiper me ar ekiek ren ewe kar. * Kori HAWAII CARES ren 800-753-6879 ika 808-832-3100 * Textini HAWAII CARES ngeni 988 Ren porous minafo ren ewe angangen forsefan mwirin ewe kar won Maui, eto ikei mauicounty.gov [https://www.mauicounty.gov/], mauirecovers.org [https://www.mauirecovers.org/] me fema.gov/disaster/4724. [https://www.fema.gov/disaster/4724] Fiti FEMA online ikei: @FEMARegion9 [https://twitter.com/femaregion9] me facebook.com/fema [http://www.facebook.com/fema].